دلگه‌ش نه‌واڤ باعه‌دری: جه‌ژنا شێشمس
جه‌ژنا شێشمس
دلگه‌ش نه‌واڤ باعه‌دری
شێشمس ناڤه‌كه ژ ناڤێن خودێ ئێکە ژجەژنێن پیرۆزێن ئێزدیان پتر ژ ھزارێن سالانە ڕێ و رسمێن ئه‌ڤێ جه‌ژنێ و رەسەنایەتیا ئه‌ڤێ جه‌ژنێ ل با ملله‌تێ ئێزدی ھاتیە پاراستنە، هه‌تا ئیرۆ رۆژ ژی ، ژ ھە‌ژی گۆتنێ یه ئه‌م بێژن چە‌ند فەرمان ل سه‌ر ده‌ستێ ده‌وله‌تا عوسمانیا ب سه‌ر وه‌لاتێ خالتا دا ھاتنە، لێ هه‌ر ئه‌وان ده‌ست ژ ئه‌ڤێ جه‌ژنێ به‌ر نه‌دا .
ئه‌ڤ جه‌ژن یا گرێدایە ب عەشیرەتا خالتا ڤە و فەرزه هه‌ر سال ل سه‌ر عەشیرەتا خالتا و وچه‌لوه شێخێن شێشمسا رێ رسمێن ئەڤێ جەژنێ بگێرن، ئە‌ڤ جه‌ژنە دكه‌ڤیته حە‌فتیا ئێكێ ژ مه‌ها كانوونا ئێكێ ،هه‌ر سال ب دوو حەفتیان به‌ری جه‌ژنا رۆژیێن ئێزییه.
ئەڤێ جەژنێ ژی ھندەك رێ ورسمێن تایبەت ھەنە :
سێ رۆژا ب رۆژی دبن ل رۆژێن (سێ شه‌م - چارشە‌م -پێنج شه‌م) رۆژینە و ل رۆژا ئینیێ دبتە جەژن.
ل هێڤارا جه‌ژنێ هه‌ر مال سه‌ربره‌كێ سه‌ر ژێدكه‌ت و دكه‌نه سمات
هێڤاره جه‌ژنێ چرا و فەتیل دھێنە ڤێخستن ل به‌ر نیشانێن ئه‌وێ مالێ
ل سبه‌یكا جه‌ژنێ ژی ئه‌و مال وێ سماتێ ب سه‌ر گوندیان دا به‌لاڤ دكه‌ن
شلك خوارنه‌كا تایبه‌ته سبه‌یكا جه‌ژنێ دهێته دورست كرن ژلایێ كابانیا مالێ ڤه ئه‌و خوارن پێك دهێت ژ نانێ سێلێ و رونێ پە‌ز.
د درێژاھیا دیرۆکێدا مللەتێ ئێزدی تووشی گەلک نەھامەتی و دەردەسەریا بوونە و گەلک فەرمان وکارەسات ب سەرێ وان ھاتینە ، لێ ھەر دەست ژ داپ و نەریت و رێ ورسم و جەژن و ھلکەفتێن خوەی ئۆلی نەبەردانە .
تعليقات