مەهدی حەسەن: رۆژیێن چلەیێ زڤستانێ
رۆژیێن چلەیێ زڤستانێ
مەهدی حەسەن
رۆژیێن چلەیێ زڤستانێ هەر سال ل (١٢/٢٥)كانونا ئێكێ چلەیێ زڤستانێ دەست پێ دكت و ئێزدی ڤی چلەیێ زڤستانێ بەشەكی هەر زۆر ب رۆژی دبن ،دگەل جڤاتا رۆحانیا ئێزدیان و چلەگرا و خلمەتكارێن لالش وكەسایەتیێن ئۆلی وهەر كەسەكی بڤێت چلەیێ زڤستانێ ب رۆژی بت قەستا لالشا نورانی دكەن ژبەر کو ھندەک رێ و رەسمێن تایبەت ھەنە ل پەرستگەھا لالش بۆ دەستپێكرنا ڤان رۆژیان،هەر بۆ زانین كەسێ نەئێتە لالش ژی دروستە زیارەتی بەراتەكا شیخادی ببت و رۆژیێ دگرن ، ژبەركو رێ دورن كەسەكی ئەو دەلیڤە نەبت نۆرمالە نەئێتە لالش،هەر بۆ ئاگەهداربوون ژ چلەیێ زڤستانێ،فەقیرێ زەنگلا ل ناڤ مللەتی مال ب مال دگەرت و هەر مالەكێ بەراتەكێ دەتێ و ئاگەهدار دكت كو ل دەمێ رۆژیێن چلەیێ زڤستانێ ل کیژ رۆژێ یە وەك داب و نەریتەك ژی هەر مالەك فتویێ خۆ دەنە فەقیری وخێرەكا مەزن ژ ئێزدیا هەموویا خرڤە دكن و بۆ خزینا مالا شیخادی دبەن،دا لسەر بەلنگاز و نەساخ و كەسێن پێتڤی بێتە دابەشكرن،ل رێككەفتی(١٢/٢٤) بابە شێخ و جۆقەتا خۆ وژمارەكا فەقرا و كوچەكا دگەل ژمارەكا چلەگرا رێوڕەسمێن هێڤاریا رۆژیێن چلەیی دەستپێكرن ل لالش و زیارەتی دەرچكا شیخادی و خاس و باب چاكێن لالش دبن و لڤێ هێڤارێ قەستا چلەخانا مالا شیخادی دكن و هەتا پاشیڤێ ل چلەخانێ دمینن قەول و بەیت و دوعایا دكن و ب رۆژی دبن وسبەیكێ دئێنە مال،چلەیێ زڤستانێ ژ (٢٥)ی هەیڤا كانوونا ئێكێ دەست پێ دكت و هەتا (٢) هەیڤا سباتێ ب هژمارا زاینی دیسا ل رۆژا(٤٠) دبتە جەژن،بۆ زانین ئەڤ رۆژی خێرن هەر كەسێ بگرن دروستە هندەك كەس رۆژا ئێكێ و داویێ ب رۆژی دبن و هندەك دەھ رۆژێن ئەول و داویێ ب رۆژی دبن بخۆ خودان خێر خێرا دكن هەر چ رۆژا ب رۆژی بن باشە،لێ چلەگر فەرە هەر چلەیێ زڤستانێ و چلەیێ هاڤینێ ب رۆژی بن و بۆ ماوەیێ بیست سالا هەر دوو چلەیێ زڤستانێ و هاڤینێ ب رۆژی بن ژ نووكا دبێژنێ چلەگر،ئانكو هەر كەسێ ڤان رۆژیا بگرت نابتە چلەگر تەنها ئەو كەسێ پێگیری رۆژی گرتنێ بت بۆ ماوێ (٢٠)سالا رۆژیێن چلەیێ هاڤینێ و زڤستانێ ب رۆژێ بن دبێژنێ چلەگر ، رێورەسمێن ڤێ جەژنێ هەروەكی یێن جەژنا چلەیێ هاڤینێ نە ل پەرستگەها لالش دئێنە گێران ، و لڤێ جەژنێ هندەك رێورەسمێن تایبەت دئێنە گێران.
ھەر وەکی ڤان سەبەقا ژ ئەدەبێ دینێ ئێزدیان دبێژت:
مەلەک فەخرەدین دنگ ھلتینە
ھنجیێ خاترا من تێ ببینە
دلێ چللە گرە نا ئیشینە
چللە گر ب رۆژینە
فەرز ێن خۆ ب جی تینە
ئەون جندیێن سلتینە
بشەڤ رۆژ ب رۆژینە
ئەوان فتار نینە
ئەو جندیێن سلتان ئێزینە
تعليقات