بابه شێخ داخوازيه‌كێ ئاراسته‌ى ئه‌مريكا دكه‌ت
بابه شێخ داخوازيه‌كێ ئاراسته‌ى ئه‌مريكا دكه‌ت
ئێزديخان نيوز:
د پەیوەندیەکا ته‌لفونی دا رۆبەرت والەر كونسلێ گشتیێ ئەمریکا ل هەولێر سەرەخۆشی ل بابا شێخ کر ب هەلکەفتا قەدەم گوهاستنا بابا شێخێ بەرێ و پیرۆزباهی ل سەماحەتا بابا شێخێ نوو کر.
كونسلێ ئه‌مريكا داخوازا سەرکەفتنێ بۆ بابا شێخ خوازت و هیڤی خوازت کو بابا شێخ ببتە سومبولا پێکڤەژیانێ ل دەڤەرێ.
ژئالیێ خۆ ڤه ژی ڤە سه‌ماحه‌تا بابه شێخ سوپاسیا كونسلێ ئه‌مريكا کر و داخواز ژێ کر ئەمریکا یە بەردەوام بت لسەر پشتەڤانیا هەموو پێکهاتێن گەلێن کوردستانێ و عێراقێ، ب تایبەت ژی د قۆناغا ئیرۆ دا کو خەلکێ شنگال د رەوشەکا ئالۆزدا دناڤا کەمپان دا دەرباز دبت، کو هەموو هەولێن خۆ بدەن بۆ ئارامکرنا رەوشا شنگال بۆ هندێ هەردوو حکومەتێن کوردستانێ و عێراقێ رێکبکەڤن داکو خەلکێ مە ب ئارامی بژیت.
هه‌روه‌سا بابه شێخ ژ كونسلی خوازت ئەمریکا هەولێن مەزن بدەت بۆ قورتالکرنا کچ و ژن و زارۆکێن ئێزدیان ئەوێن تا نهۆ چارەنڤیسێ وان نەی دیار.
تعليقات