فەرهاد باعەدری دێ "وارێ من"بەلاڤ كەت
فەرهاد باعەدری دێ "وارێ من"بەلاڤ كەت
ئێزدیخان:سالار فائز
هۆنەرمەندێ مللی فەرهاد باعەدری دیاركر،ئەڤە دەمەك درێژە بەرهەمێ خۆ یێ هۆنەری بۆ سالا2020ێ ئامادەكری لێ نەهاتیە بەلاڤكرن ژبەر ئێشا كۆرۆنایێ و ژ لایەكێ دی ڤە جڤاكێ ئێزدی گەلەك كەسانێت گرنگ ژ ئالیێ جڤاكی و ئایینی ژ دەستدان ،وەك رێزگرتن بەرهەمێ خۆ پاشێخست.
باعەدری بۆمالپه‌رێ(ئێزدیخان نیوز) گۆت:"ژبەر ئێشا كۆرۆنایێ داوەت گەلەك كێم بوون لەورا ب دەلیڤە زانی كارێ بەرهەمێ خۆ یێ 2020ێ بكەم ،ئەڤ بەرهەم بناڤێ(وارێ من) ژ هەشت سترانا پێكدئێت ناڤەرۆكا لسەر ئەڤینی و وەلاتی و ئێش و ئازارێن ئێزدیایە".
دیاركر ژی سەبارەت پەیڤ و ئاوازێن ڤی بەرهەمی سترانەك ژێ بناڤێ (خانم) ژ هەلبەستێن سفیان دلكانی یە و ئاوازێن سالار فائزە و ئێك بناڤێ (بوك و زاڤا) ژ پەیڤێن وی یە و ژ ئاوازێن شێخ عادل عەبۆیە و هەموو سترانێن دی ژ پەیڤ و ئاوازێن وی بخۆیە،سترانا خانم هاتیە كلیپكرن ژئالیێ شەمسانی كۆمپانی و چەند سترانێن دی ژی دێ كلیپ كەم.
ناڤهاتی ئاشكەراكر:ل رۆژانێن داهاتی بەرهەم دێ ئێتە بەلاڤكرن و بۆ سالا بێت ژی هندەك كارێن هۆنەری دێ هەبن.
تعليقات