ل عه‌فرينێ ژمارا ئێزديان ژ 35هه‌زار كه‌سان بۆ 1200كه‌سا كێمبوويه
ل عه‌فرينێ ژمارا ئێزديان ژ 35هه‌زار كه‌سان بۆ 1200كه‌سا كێمبوويه
ل باژێرێ عه‌فرينێ ل رۆژئاڤايێ كوردستانێ چوو ديمه‌نێن جه‌ژنا رۆژيێن ئێزى نه‌هاتن ديتن و ته‌نها ئێزديا سه‌ره‌دانا گۆرستانا كر.
ئێزدى ل باژێرێ عه‌فرينێ لسه‌ر 22گوندان و بسه‌ر هه‌فت ناحيا و سه‌نته‌رێ باژێرى دا هاتينه به‌لاڤكرن.
ژێده‌ره‌كى تايبه‌ت ژ ئێك ژ گوندێن ئێزديان سه‌ر ب ناحيا شيراوا باشوورێ رۆژهه‌لاتێ عه‌فرينێ بۆ مالپه‌رێ (ئێزدينا) دياركر:"ئێزديێن گوندێ باسۆڤان نكارين سه‌ره‌دانا گۆرستانێن خۆ و ئێك و دوو بكه‌ن ل گوندى،ژبه‌ر گرۆپێ فه‌يلق شام يێ ئيسلامى يێ بناڤێ له‌شكه‌رێ نشتيمانى يێ سوورى سه‌ره‌دان دناڤبه‌را خه‌لكێ گوندى دا قه‌ده‌غه‌كرن".
ژێده‌ره‌كێ دى ژ ناحيا جنديرس خوياكر:ل رۆژا جه‌ژنا رۆژيێن ئێزى ئاهه‌نگێن جه‌ژنێ نه‌هاتنه گێران و ديمه‌نێن جه‌ژنێ بتنێ سه‌ره‌دانا ئێزديان بۆ گۆرستانا بوو ل سبا جه‌ژنێ دا.
بتريا ئێزديێن ده‌ڤه‌را عه‌فرينێ ژ گوند و ده‌ڤه‌رێن خۆ ئاواره بووينه ژ ده‌مێ داگيركاريا توركيا و له‌شكه‌رێ نشتيمانى يێ سوورى بۆ سه‌ر ده‌ڤه‌رێ ل 18ى ئادارا 2018ێ و ل باژێرێ حه‌له‌ب و ده‌ڤه‌رێن رۆژهه‌لاتێ فوراتى و ده‌ڤه‌رێن شهبا كو ژ پێنج كه‌مپان پێك دئێت ئاكنجيبووينه و هنده‌كا قه‌ستا هه‌رێما كوردستانێ كريه.
بۆ زانين ژمارا ئێزديان ل باژێرێ عه‌فرينێ به‌ريا ژلايێ توركيا ڤه بێته داگيركرن نێزيكى 35هه‌زار كه‌سان بوو،به‌لێ ژبه‌ر داگيركرنا باژێرى ژبال سوپايێ توركيا و چه‌كدارێن له‌شكه‌رێ نشتيمانى يێ سوورى ڤه هژمارا وان گه‌هشتيه كێمتر ژ 1200كه‌سان لدوڤ تيما دكيۆمێنتاريا ئێزدينا و ئه‌ڤه‌ژى پشتى هاتينه دوورپێچكرن ژبال تيرۆرستێن توندره‌و ڤه.
تعليقات