مالا جڤین 300 زارۆكێن رزگاربووى خودان دكەت
مالا جڤین 300 زارۆكێن رزگاربووى خودان دكەت
مالا جڤین یا زارۆكێن بێ سەمیان زێدەتر ژ 300 زارۆكێن بێ سەمیان یێن رزگاربووی ژ دەستێ رێكخراوا تیرۆری یا داعش ب خودان دكەت و هەموو پێدڤیێن ژیانێ بۆ وان دابین كرینە.
كاوە عیدو خەتاری، ریڤەبەرێ مالا جڤین یا زارۆكێن بێ سەمیان بۆ (باسنیوز) دیار كر: "ل سالا بۆری مالا جڤین یا زارۆكێن بێ سەمیان ل پارێزگەها دهۆكێ هاتیە ڤەكرن و هەتا نوكە یا بەردەوامە د خودانكرنا وان دا و نها زێدەتر ژ 300 زارۆكێن بێ سەمیان یێن رزگاربووی ژ دەستێ رێكخراوا تیرۆری یا داعش د مالا واندا دژین".
زێدەتر گۆت: "مالا جڤین یا زارۆكێن بێ سەمیان یا تایبەتە بۆ وان زارۆكێن رزگار بوویێن دەستێ داعش و تایبەت ئەوێن بێ سەمیان و پتر ژ ٣٠٠ زارۆكان مفایێ ژ ڤێ مالێ وەردگرن و دهێتە پشتەڤانیی كرن ژ بال سەرمایەدارەكێ ئیزدی ڤە".
تعليقات