ل دهۆكێ هەر خێزانەكا ئاوارە و پەنابەر دێ 240 هه‌زار دیناران وەرگرت
ل دهۆكێ هەر خێزانەكا ئاوارە و پەنابەر دێ 240 هه‌زار دیناران وەرگرت
رێكخراوا UNHCR ب هەماهەنگی دگەل دەزگایێ خێرخوازی یێ بارزانی و دەست ب دابەشكرنا هاریكاریەكێ بۆ هەموو خێزانێن ئاوارە و پەنابەر ل هەموو كەمپێن سنوورێ پارێزگەها دهۆكێ كر.
كاروان زەكی، بەرپرسێ راگەهاندنێ ل رێڤەبەریا كوچ وكوچبەران وبەرسڤ دانا قەیرانان یا حكوومەتا هەرێما كوردستانێ بۆ (باسنیوز) دیار كر: "ل كەمپا دۆمیز٢ هاریكاریێن دراڤی ل سەر پەنابەرێن كەمپا دۆمیز ٢ ژلایێ رێكخراوا UNHCR ب رێ یا رێڤەبەریا كوچ و كوچبەران و بەرسڤدانا قەیرانان و ب هەماهەنگی دگەل دەزگایێ خێرخوازی یێ بارزانی هاتن بەلاڤكرن و گۆت: ئەڤ هاریكاریە ژ كوژمێ ٢٤٠ هەزار دینارێ عیراقی پێك هاتی بوون و ل قۆناغا ئێكێ ل سەر ٢٠٤٣ خێزانانێن پەنابەری هاتنە بارڤەكرن و دێ پرۆسسا بەلاڤكرنا ڤان هاریكاریان یا بەردەوام بیت هەتا ئاكنجیێن هەموو كەمپ هاریكاریان وەربگرن".
زێدەتر گۆت: "ئەڤ هاریكاریە پێك هاتی نە ژ كوژمێ ٢٤٠ هەزار دیناران بۆ هەر خێزانەكا ئاوارە و پەنابەر ل ناڤ كەمپان و بۆ هندك خێزانێن پەنابەر ل دەرڤەی كەمپان ٤٨٠ هەزار دینار و ئاواران ٢٤٠ هەزار، ئەڤ هاریكاریە بۆ پیدڤیێن وەرزێ زڤستانێ نە و ژلایێ رێكخراوا UNHCR و ب رێ یا رێڤەبەریا كوچ وكوچبەران وبەرسڤ دانا قەیرانان و ب هەما هەنگی دگەل دەزگایێ خیرخوازی یێ بارزانی دهێنە بەلاڤ كرن".
تعليقات