33هه‌زار دونه‌مێن زه‌ڤيێن ئێزديان يێن هاتينه داگيركرن
33هه‌زار دونه‌مێن زه‌ڤيێن ئێزديان يێن هاتينه داگيركرن
بە گوتەی بەڕێوەبەری کشتوکاڵی قەزای شنگال، ٣٣ هەزار دۆنم زەویوزاری کشتوکاڵیی جووتیارانی سنوورەکە لەلایەن هەندێک عەرەبەوە داگیر کراوە.
لەمبارەوە شەرەف نایف، بەڕیوەبەری بەڕێوەبەرایەتیی کشتوکاڵی قەزای شنگال، بە (باسنیوز)ی ڕاگەیاند: "هەتا ئێستا ٣٣ هەزار دۆنم زەویوزاری کوردانی ئێزدیی قەزاکە لەلایەن هەندێک عەرەبەوە داگیر کراون و ڕێگە نادەن جووتیارانی خەڵکی شنگال نزیکی زەوییەکان بکەونەوە و ئەمەش بووەتە کێشە".
ئاماژەی بەوەش کرد: "ئەمە چەندین جارە لەڕێگەی نووسراوی فەرمییەوە داوامان لە ئیدارە ە بەرپرسانی فەرمیی پارێزگای نەینەوا کردووە کە کێشەی ئەو زەویوزارانە چارەسەر بکرێن، بەڵام هەتا ئێستا هیچ ڕێگەچارەیەک نەدۆزراوەتەوە، ئەمە لە حاڵێکدایە کە زەوییەکان بە فەرمی و یاسایی هی کوردانی ئێزدیی قەزای شنگالن، کەچی عەرە داگیریان کردووە و ڕێگە نادەن خاوەن سەرەکییەکان و جووتیاران بیکێڵن و کاری لەسەر بکەن".
شەرەف نایف ئەوەشی ئاشکرا کرد: "لە سنووری قەزای شنگال بە ڕووبەری ٣٦٠ هەزار دۆنم زەویی کشتوکالی هەیە و ساڵانە زیاتر بە گەنم و جۆ دەچێندرێن. جووتیارانی دەڤەری شنگال ماوەی شەش ساڵە بەردەوام داخوازیی گەڕاندنەوەی ئەو زەویوزارانەیان هێناوەتە گۆرێ، بەڵام هێشتا هیچ هەنگاوێک هەڵنەگیراوە و هەتا ئێستاش ٣٣ هەزار دۆنم زەوی لەلایەن هەندێک عەرەبەوە داگیر کراوە و ئەوان لەسەری کاری کشتوکاڵی دەکەن".
تعليقات