دياردا خۆكوشتنێ دناڤ گه‌نجێن شنگال دا به‌ره‌ف زێده‌بوونێ دچت
دياردا خۆكوشتنێ دناڤ گه‌نجێن شنگال دا به‌ره‌ف زێده‌بوونێ دچت
باسنيوز:
قایمقامی شەرعیی شنگال ئاشکرای کرد، دیاردەی خۆکوشتن لە نێو گەنجانی سنووری شاری شنگال زیادی كردووە و تەنیا لە ماوەی هەفتەیەكدا تا ئەمڕۆ سێشەممە ٨ی ٩ی ٢٠٢٠، چوار گەنجی شنگال کۆتاییان بە ژیانی خۆیان هێناوە.
مەحما خەلیل، قایمقامی شنگال، بە (باسنیوز)ی ڕاگەیاند: "ئەو چوار گەنجە خەڵکی شنگالن کە خۆیان کوشتووە كە سێیان كوڕن و یەكێكیشیان كچە”.
جەختیشی كردەوە كە ئەم ژمارەیەی حاڵەتەكانی خۆكوشتن لە ماوەی یەك هەفتەدا، ئاماژەیەكی مەترسیدارە و پێویستە لێكۆڵینەوە و بەدواداچوونی بۆ بكرێت و كار بكرێت بۆ چارەسەركردنی ئەو هۆكارانەی كە پاڵ بە گەنجانی شنگالەوە دەنێن بۆ بێهیوابوون و كۆتاییهێنان بە ژیانیان.
قایمقامی شنگال جەختی كردەوە كە دوای ئاوارەبوونی خەڵكی شنگال و ئەم دۆخەی بەسەر ناوچەكەیاندا هات، حاڵەتەكانی خۆكوشتن زیادیان كرد كە هۆكاری زۆربەیان ئابووری و بێكاری و بێزارییانە لە ڕەوشی ژیانیان.
لە ساڵی ٢٠١٤ەوە پارتی كرێكارانی كوردستان (پەكەكە) بە پاساوی پاراستنی ناوچەكە، هێزێكی زۆری بردۆتە شنگال و لەو ساوە ڕێگە لە ئاساییبوونەوەی ژیان لە دەڤەرەكە دەگرێت، لە ئەنجامیشدا خەڵكی سنوورەكە زۆربەیان ئاوارەن و ئەوانەشی لە ژێر دەسەڵاتی پەكەكەدان، لە ژێر فشارێكی بەردەوام دان.
تعليقات