كه‌مپه‌كا ئاوارێن شنگال دئێته داخستن
كه‌مپه‌كا ئاوارێن شنگال دئێته داخستن
باسنيوز:
جێگرێ پارێزگەرێ مووسل بۆ كارۆبارێن ئاواران راگەهاند كو هەتا دووماهیا ئەڤ سالە دەرگەهێ كەمپا سەردەشت ل چیایێ شنگال دهێتە دائێخستن. هەموو ئاوارێن ناڤ وێ كەمپێ بۆ سەر مال و حالێ خۆ دێ ڤەگەرن.
عەلی عومەر، جێگرێ پارێزگەرێ مووسل بۆ كارۆبارێن ئاواران بۆ (باسنیوز) دیار كر كو: "نۆكە ڤەگەریانا ئاواران ژ كەمپا سەردەشت ل چیایێ شنگال دەستپێكریە. د چەند رۆژێن بۆریدا هەتا نۆكە زێدەتر ژ 800 خێزانێن ئێزدی كەمپا سەردەشت ل چیایێ شنگال ب جه هێلاینە بەرەڤ سەنتەرێ شنگال چووینە. ئەم وێ باوەرێ داینە هەتا دووماهیا ئەڤ سالە كەس ل كەمپا سەردەشت چیایێ شنگال نامینت، وەزارەتا كۆچ و كۆچبەران ل عێراقێ گۆتیە هەر ئاوارەكێ ڤەگەرتە شنگال بۆ دەمێ سالەكێ دێ ئاهێن خوارنێ ل سەر هێنە بەلاڤكرن هەروەسا ژی كوژمێ ملیۆنەك و 500 هزار دیناران ژی دێ وەرگریت. دهێتە چاڤەرێكرن د هەیڤا بهێت دا ئەڤ بریارا بكەڤتە وارێ بجه ئینانێدا".
ئاشكەرا كر كو: "نۆكە ئاوارێن كەمپان دزڤرنە شنگال لێ چوو بریار نینن حكومەت كەمپان دابێخت بەلكو ئاوارە ب كەیفا خۆ نە یێ بڤێت دشێت ڤەگەرتە شنگال یێ نە ڤیت دشێت ل كەمپان بمینت. ل هەرێما كوردستانێ رێژا 75% خەلكێ شنگال ماینە وهێشتا نەزڤرینە شنگال چونكو تەناهی و خزمەتگوزاری نینن نەشین ڤەگەرن".
عەلی عومەر ، بۆ (باسنیوز) گۆت: "ئاڤەدانی ئێكە ژ ئاریشەیێن نە زڤرینا خەلكێ شنگال كو بەغدا كوژمەكێ پارە بۆ ئاڤەدانیا شنگال تەرخانكریە لێ هێشتا دەست ب ئاڤەدانیا شنگال نەهاتیە كرن كو خەلك بشێن ڤەگەرن لێ هەتا ئیدارا شەرعی نە زڤرتە شنگال رەوش باش نابە".
تعليقات