دلگه‌ش نه‌واڤ باعه‌دری:خەلکێ شنگال نزانن سەرێ وان لسەر چ بالگی یە ؟
خەلکێ شنگال نزانن سەرێ وان لسەر چ بالگی یە ؟
دلگه‌ش نه‌واڤ باعه‌دری
٣ی ته‌باخێ سالا 2014 تیرۆرستێن داعش ھێرش کرە سەر ده‌ڤه‌را شنگالێ و ب تەمامی کنترۆلکرن بێ ده‌نگیا جڤاكێ نێڤ ده‌وله‌تى ل سالا 2014ژى ده‌لیڤه پتر بۆ تیرۆرستێن داعش خوەشکر حەتا كو كریارێن خوەیێن پیس وچەپەل یێن دژی مرۆڤایه‌تی بەرانبەر خه‌لكێ شنگالێ ئه‌نجام دان، وێرانكرنا مەزارو جھێن پیرۆزێن ئێزدییان ده‌ست پێدكه‌ت و شنگال پڕبوو ژ تیرۆرستێن داعش ب چەکێ گران بگرە ژ تانگ و تۆپا و ... ھتد ئاگر و دۆمان ژ ده‌ڤه‌را شنگالێ بلند دبوو ب پیلان وبه‌رنامێن خوه بتنێ مه‌به‌ستا وان ژناڤبرنا ملله‌تێ ئێزدی بوو ، هه‌ول و بزاڤ دبه‌رده‌وام بوون هه‌میان ئێك ئارمانج هه‌بوو هه‌مى رێك ب كارئینان بۆ ژناڤ برنا ئاینێ ئێزدی،باوەربکن ھندەک تاوانێن مەزن دڤێ جینوسایدا ئێزدیان ھاتینەکرن ب هیج شێوه‌یه‌كی ل جینوسایدێن بەری نھۆ دا نەھاتینە ئه‌نجام دان ، به‌لێ هێدی هێدی یا دهێته ژبیركرن ژبەر ئه‌ڤێ چەندێ پێدڤیه ل سەر حكومه‌تا هه‌رێمێ و حكومه‌تا ڤیدرال و جهێن په‌یوه‌ندی دار ب زووترین دەم کار بۆ ھندێ بێتەکرن کو ئەڤە ب سەرێ مللەتێ ئێزدی ھاتی ل دادگەھا تاوانێن نیڤدەولەتی ب جینوساید بھیتە ناساندن،پشتی شه‌ش سالێن ژیانەکا سه‌خت و دژوار ل ناڤ كه‌مپان دا خه‌لكێ وێ چاڤەرێیە بزڤرنه سەر وار و جهێن خۆ ، لێ جھێ داخێ یە هه‌تا نهۆ ھیچ ناوچەیەکا شنگالێ ژ لایێ هه‌ردوو حكومه‌تا ڤە نه هاتیه ئاڤاكرن ھیچ خزمەتگوزاریەك ژی نینە ، یا ژ ھەمیێ خرابتر ئەوە هێرشین فڕۆكه‌یێن توركیا بۆ سه‌ر ده‌ڤه‌رێ مه‌ترسیه‌كا مه‌زن ل با خه‌لكێ دروست كرییه و مانە حەیری و نزانن سەرێ وان ل سەر چ بالگی یە !؟.
تعليقات