بريار لسه‌ر گێرانا جه‌ژنا قوربانێ و چلێ هاڤينێ هاته دان
بريار لسه‌ر گێرانا جه‌ژنا قوربانێ و چلێ هاڤينێ هاته دان
ئێزديخان نيوز:
جڤاتا بلند يا روحانى يا ئێزديان برياردا ئه‌ڤ ساله رێوره‌سمێن جه‌ژنا قوربانێ(جه‌ژنا حه‌جيا) و جه‌ژنا چلێ هاڤينێ نه ئێنه گێران.
دبه‌ياننامه‌يا جڤاتا بلند يا روحانى يا ئێزديان دا هاتيه،ژبه‌ر كاودانێن نهۆ عێراق ب گشتى و هه‌رێما كوردستانێ ب تايبه‌تى تێدا ده‌باز دبن و ژبۆ پاراستنا گيانێ خه‌لكێ خۆ و پێگيريكرن ب بريارێن حكومه‌تێ بۆ قه‌ده‌غه‌يا هاتن و چۆنێ و خرڤه‌بوون و نه‌ڤه‌كرنا په‌رستگه‌ها ژبه‌ر ئێشا كۆرۆنايێ و پێخه‌مه‌ت كۆنترۆلكرنا ڤێ ڤايرۆسى،و ژبه‌ر ڤان هۆكاران جڤاتا بلند يا رۆحانى يا ئێزديان برياردا رێوره‌سم و داب و نه‌ريتێن ئايينى يێن تايبه‌ت ب جه‌ژنا قوربانێ كو ئيساله دكه‌فته رۆژا ئينيێ رێككه‌فتى 31/7/2020ێ و جه‌ژنا چلێ هاڤينێ دكه‌فته رۆژا ئێك شه‌مبوويێ 2/8/2020ێ ل په‌رستگه‌ها لالش نه ئێنه گێران.
جڤاتا روحانى ته‌كه‌زكر كو هيڤيدارن ل جه‌ژنێن بێت رێوره‌سمێن جه‌ژنێن خۆ ساخ بكه‌ينه ڤه و بگێرن پشتى جيهان هه‌موو و وه‌لاتێ مه بسه‌ر ڤى ڤايرۆسێ كوژه‌ك دا سه‌ردكه‌ڤن.
تعليقات