نووژه‌نكرنا په‌رستگه‌ها لالش پێدڤى ب 20 ملیۆن دۆلارايه
نووژه‌نكرنا په‌رستگه‌ها لالش پێدڤى ب 20 ملیۆن دۆلارايه
ئێزديخان نيوز:
سه‌رپه‌رشتێ پرۆژێ نووژه‌نكرنا په‌رستگه‌ها لالش دیار كر سێ پرۆژێن گرنگ ل په‌رستگه‌ها لالش دهێن ئه‌نجام دان كو نووژه‌نكرنا په‌رستگه‌ها لالش پێدڤى ب كوژمێ 20 ملیۆن دۆلارێن ئه‌مریكى هه‌یه.
خالد نه‌رمۆ،سه‌رپه‌رشتێ پرۆژێ نووژه‌نكرنا په‌رستگه‌ها لالش بۆ (باسنیوز) دیار كركو: "هه‌تا نۆكه رێژا 10% كار ل سه‌ر نووژه‌نكرنا په‌رستگه‌ها لالش هاتیه كرن ئه‌و جهێن په‌رستگه‌ه و نیشانگه‌هێن پیرۆز یێن گرنگ لێ هه‌ین یێن هاتین نووژه‌نكرن. دووڤ ماسته‌ر پلانا حكومه‌تا هه‌رێما كوردستانێ دانایی، په‌رستگه‌ه دهێته نووژه‌نكرن، چوو ده‌ستكارى وێ ماسته‌ر پلانێ دا نه‌هاتیه كرن ب شێوه‌یه‌كێ شینوارى و بكارئینانا كه‌ره‌ستێن سرۆشتى و تایبه‌ت به‌رێن ب ده‌ستى هاتینه نه‌خشاندن ژلایێ كه‌سانێن شه‌هره‌زا ڤه جهێن شینوارى دهێن نووژه‌نكرن ل په‌رستگه‌ها لالش ".
خۆیا ژى كركو:" نها ژى سێ پرۆژێن گرنگ ل په‌رستگه‌ها لالش دهێنه بجه ئێنان ئه‌وژى پروژێ ئێكێ ژلایێ حكومه‌تا هه‌رێما كوردستانێ پرۆژێ دوویێ ژلایێ وه‌زاره‌تا ده‌رڤه یا ئه‌مریكا ب رێكا قونسولێ گشتى ل به‌غدا و پرۆژێ سێیێ ژلایێ خێرخازێن ئێزدی ڤه. هه‌ر ئێك ژوان پرۆژا رێژه‌ك لێ هاتیه ئه‌نجام دان لێ مه پێدڤى ب كوژمێ 20 ملیۆن دۆاران هه‌یه بۆ نووژه‌نكرنا په‌رستگه‌ه لالش دووڤ ماسته‌ر پلانا هاتیه دانان".
تعليقات