ل عەفرینێ گرۆپێن رادیكال زۆرداریێ ل كچ و ژن و زارۆكێن ئێزدی دكەن
ئێزديخان نيوز:
چالاكڤانەكێ ئێزدی ل رۆژئاڤایێ كوردستانێ دیاركركو رەوشا ئێزدیان ل رۆژئاڤایێ كوردستانێ بتایبەتی ژی ل عەفرینێ باش نینە گەلەك ئێزدی هاتینە رەڤاندن و دەستەسەركرن وبێ سەروشینكرن.
عەلی عیسۆ، چالاكڤانێ ئێزدی ل رۆژئاڤایێ كوردستانێ بۆ (باسنیوز) دیاركر كو: "گەلەك كچ وژنێن ئێزدیان هاتینە رەڤاندن ژلایێ گرۆپێن رادیكال ڤە ل عەفرینێ. دماوێ 10 رۆژان دا سێ كچ وژنێن ئێزدیان هاتینە رەڤاندن كو رەڤاندنا كچ و ژنێن ئێزدیان بەهانەیا ڤەكۆلینێ دگەلدا دهێنە رەڤاندن. هەتا نۆكە ژی هژمارەكا كچ وژنێن دیارنینن كەس نوزانت چ بسەرێ وان هاتیە و گەلەك زۆرداریێ ل زارۆیێن ئێزدیان دهێتە كرن. ل عەفرینێ ب زۆرداریێ ئاینێ وان دهێتە گوهۆرین وهندەك ژ كچێن ئێزدی یێن هاتینە دەستەسەركرن ژلایێ گرۆپێن رادیكال ڤە هاتینە ئازادكرن و هندەك ژی مایە".
خۆیا ژی كر كو: "زارۆكێن ئێزدیان دهێنە ئەشكەنجەدان هەتا نۆكە ژی كچەكا ئێزدی یا ژیێ 21 سالیێ دا دیارنینە بەری چەند رۆژان ل عەفرینێ هاتیە رەڤاندن لێ ب شیوەیەكێ گشتی رەوشا ئێزدیان باش نینە گەلەك زۆرداریێ ل ئێزدیان دهێتە كرن".
تعليقات