بەرامبەر ئازادكرنا خێزانه‌كا ئێزدى گرۆپه‌كێ چه‌كدار داخوازا 90000 دۆلاران دكه‌ت

ئێزديخان نيوز:

ئیش و ئازارێت ئێزیدیا ل سوریا و عراقێ دبەردەوامن هەر ژ دەستپێکا هاتنا داعش بۆ دەڤەرێت ئێزیدیا ل هەردۆ وەلاتا، و یا ژ هەمووا بتر تەعدە ل ئێزیدیا کری کۆمکوژیا کە ب سەرێ وان هاتی ژ ئالیێ داعش ڤە ل قەزا شنگال بوو.

نێڤا هەیامەکێ و یەکا دی چەند گرتیێت ئێزیدیا لبەر فرۆتنێ دە ژ ئالیێ وێ رێکخستنێ ڤە تێنە دانینن بەرامبەر گەلەک دراڤی،یا هەرە تالی خێزانەکە ئێزیدی یە ل سالا 2014ـێ ژ ئالیێ داعشێ ڤە هاتبوونە ڕەڤاندن، ژ 6 نەفەرا پێک تێ و لبەر فرۆتنێ دە هاتینە دانینن بەرامبەر 90000 دۆلاری.

وەکە ژێهاتیێ مەدەنی “عەلی حسێن خانەسۆری” ژ “ئێزیدی 24” رە گۆتی،“ئەڤ خێزان ل سوریا ژ ئالیێ فەسیلەکا چەکدار ڤە ل بەر فرۆتنێ دە هاتیە دانینن و داخوازا 90000 دۆلاری دکن لێ خوەدانێن وان نکارن ڤی دراڤی بینن و ئەو گەلەکێ دحەوجەی هاریکاریا وان کەسێت کە کارن هاریکاریا وان بکن نە دا ڤەگەرین”.

خانەسۆری گۆت ژی،“ئەز ب تەلەفونێ ب خوەدانەکی ژ یێت گرتیا رە پەیفتم و گۆت کە وی بریار دایە گورچکەکێ ژ یێت خوە بفرۆشێ دا کورێ خوە و خێزانا برایێ خوەیێ وندا بکرێ هەکە گەهشتە وی حەدی”.

خانەسۆری بانگا خوە گەهاندە جیهەتێت شولەژێ و خێرخوازا و هەچێ کاربێ دەستێ هاریکاریێ ژ ڤێ مالباتێ رە دریژ بکە و تێکەلیێ ب بەرێز عەباس ـ یەک ژ کەس و کارێت گرتیا رە بکە ل سەر ڤێ ژمارێ 07511101889.

ئێزیدی ل قەزا شنگال ودەوروبەرێت وێ راستی کۆمکوژیێ هاتن ژ ئالیێ داعش ڤە کە بتر ژ 6417 کەسی ڕەڤاندن ژ هەردۆ ڕەگەزا، و هەتا نوهە 3548 ڕەڤاندی هاتینە خەلاسکرن، چارەنڤیسێ 2887 ژ وان دیار نینە.