50% خەلكێ ناحيه‌كا شنگالێ ڤه‌گه‌ريانه ده‌ڤه‌رێن خۆ ڤه
ئێزديخان نيوز:
رێڤەبەرێ ناحیا سنوونێ دیاركركو ئەڤرۆ 18/6/2020ێ هژمارەكا ئاوارێن سنوونێ و شنگال ڤەگەریانا سەر جه و مالێن خوە لێ ژبەر گرۆپێن چەكدار ونەبوونا خزمەتگوزاریان ئاوارە بۆ ڤەگەریانا سەر جه و مالێن خوە دوو دل بووینە.
نایف سەیدۆ، رێڤەبەرێ ناحیا سنوونێ سەر قەزا شنگال ڤە بۆ (باسنیوز) دیار كر كو: "نها رێژا 50% خەلكێ سنوونێ ڤەگەریانە سەر جه و مالێن خوە. رۆژانە هژمارەكا ئاواران بۆ رێڤەبرنا كارۆبارێن خوە پێخەمەت ڤەگەریانا سنوونێ و شنگال قەستا ئیدارا شنگال دكەن، ئەم ژی هەموو ئاسانكاریان بۆ وان ئەنجام دەن ودام و دەزگەهێن حكومەتا هەرێما كوردستانێ ژی هەموو ئاسانكاریان بۆ وان دكەن. ئاوارێن سنوونێ و شنگال ئازادن یێ بڤێت دشێت ڤەگەریت یێ نەڤێت ژی ل ناڤ كەمپان دێ مینت. دڤان رۆژێن بۆریدا هەتا ئەڤرۆ 18/6/2020ێ دۆرێن 200 خێزانێن ئاوارە ڤەگەریاینە سنوونێ و شنگال ئەڤەژێ هەموو ئەو كەسن یێن ناڤ دام و دەزگەهێن عێراقی دا كار دكەن".
خۆیا ژی كر كو: "هەكە گرۆپێن چەكدار ل دەڤەرا سنوونێ و شنگال نەمینن دێ هەموو ئاوارە ڤەگەرن لێ پتریا ئاواران ژبەر گرۆپێن چەكدار ونەبوونا خزمەتگوزاریان نەشێن ڤەگەرن بتایبەتی ژی خەلكێ قوبیلەتێ چیایێ شنگال".
تعليقات