بريكارێ میرێ ئێزدیان:پێدڤیە پێشمەرگە ڤه‌گه‌رته شنگال
ئێزديخان نيوز:
وەكیلێ میرێ ئێزدیان بۆ كارۆبارێن پەیوەندیان دیاركركو شنگال د رەوشەكا خراب و مەترسیدار دایە ژبەر لڤینێن تیرۆرستێن داعش و زڤرینا خێزانێن داعش بۆ دەڤەرا شنگال وپێدڤیە پێشمەرگە ڤەگەرتە شنگال.
میر جەهوەر عەلی بەگ، وەكیلێ میرێ ئێزدیان بۆ كارۆبارێن پەیوەندیان بۆ (باسنیوز) دیار كر كو: "مەترسیا تیرۆرستێن داعش لسەر شنگال یا بەردەوامە بتایبەتی ژی پشتی رێك ب زڤرینا خێزانێن داعش بۆ دەڤەرا شنگال هاتیە دان ئەڤە بوویە ئەگەر لڤینێن داعش ل دەڤەرا شنگال هەر بمینن چونكو ئەو داعشێن سالا 2014ێ هێرشی سەر شنگال كرین و كچ وژن و زارۆكێن ئێزدیان رەڤاندین نها هەر ئەو عەرەب یێن زڤرینە شنگال لەورا ژی مەترسیەكا مەزن لسەر شنگال هەیە. جارەك دی ئەو تیرۆرستێن داعش كارەساتەكێ بسەرێ خەلكێ مە بینن لەورا ئەم داخازێ دكەین پێشمەرگەهێ كوردستانێ ڤەگەرتە شنگال و گەلەك جاران مە داخاز كریە هێزین هەڤپشك ل شنگال هەبن چونكو راستی ژی رەوش گەلەك خراب و مەترسیدارە".
خۆیا ژی كر كو: "ئەو عەرەبێن سالا 2014ێ بووینە داعش نها زڤرینە سەر گوندێن خوە ل شنگال. ئەم دترسن ئەو عەرەب جارەكا دی مللەتی مە تووشی جینوسایدێ بكەن لەورا پێدڤیە پێشمەرگە بزڤرتە شنگال، بەری كارەساتەكا دی بسەرێ مللەتێ مە یێ ئێزدی بهێت".
تعليقات