بەلگەنامەیێن مرنێ بۆ خەلكێ شنگال نائێنە چێكرن
ئێزديخان نيوز:
قایمقامێ قەزا شنگال دیار كر كو هژمارەكا زۆر وەلاتیێن شنگال ژیانێ دا نەماینە لێ ئەڤە چەندین سال بسەرڤە چوون هەتا نۆكە بەلگەنامەیێن مرنێ بۆ وان نەهاتینە دروستكرن، ماینە بێ بەلگەنامە. ئەڤە ژی بوویە ئاریشەك بۆ وەلاتیان.
مەحما خەلیل، قایمقامێ قەزا شنگال بۆ(باسنیوز) دیار كر كو ل گۆری قانوون و دەستورێ عێراقی هەكە سێ سال بسەر بێ سەروشینكرنا كەسەكێ ڤە بۆرین ئەو كەس ب مری دهێتە هژمارتن. ل سالا 2014ێ وەرە دەمێ خەلكێ شنگال دگەل پێشمەرگەهێ كوردستانێ بەرەڤانیێ ژ ئاخا شنگال كری ل وێ دەمێ پتر ژ 150 خۆرتێن شنگال گیانێ خوە ژدەستدان دبەرەڤانیكرنا شنگال دا هەروەسا ژی پتر ژ هزار كەسێن ئێزدی ل سەر دەستێن تیرۆرستێن داعش هاتینە كوشتن و بێ سەروشینكرن هەتا نۆكە ژی بەلگەنامەیێن مرنێ بۆ هیچ كەسەكێ ژوان نەهاتینە دروستكرن".
خۆیا ژی كر كو: "گەلەك جاران مە هەولدان كرینە بەلگەنامەیێن مرنێ بۆ خەلكێ شنگال بهێنە دروستكرن لێ هەولێن مە بێ ئەنجام بووینە وهەتا نۆكە هژمارەكا زۆر وەلاتیێن شنگال ژیانێ دا نەماینە دبێ بەلگەنامەیێن مرنێ نە".
تعليقات