دۆسەیا كرینا ئەردێن وەلاتیێن شنگال بۆ دەستەیا دەستپاكیێ دێ ئێتە رەوانەكرن
باسنيوز:
قایمقامێ قەزا شنگال دیاركركو ئەڤرۆ دێ ڤەكۆلینێ لسەر كرینا ئەردێ شنگال دەست پێ كەن، دێ دۆسیەیا كرینا ئەردێن وەلاتیێن شنگال بۆ دەستەیا دەستپاكیێ هێتە رەوانەكرن.
مەحما خەلیل، قایمقامێ قەزا شنگال بۆ (باسنیوز) دیار كر كو: "هەر كارەكێ ب ریێن نە قانوونێ بهێتە كرن دناڤ شنگالی دا دانپێدان پێ ناهێتە كرن. ئەڤرۆ 10/5/2020 دێ ڤەكۆلینێ لسەر كرینا ئەردێ شنگال هێتە كرن، دێ دۆسیەیا دەستپاكیێ لایەنێن پەیوەندیدار رەوانەی دەستپاكیێ هێنە كرن چونكو هەر كرین و فرۆتنەكا ئەردی بهێتە كرن پێدڤیە رێڤەبەریا تاپۆیا شنگال ئاگەه ژێ هەبیت ئەو ژی بەرپرسە و خەلكێ شنگال قەبوول ناكەت كرین و فرۆتن ب ئەردێ وان بهێتە كرن. هندەك كەس ل سەر خانیان بنڤیسن ئەڤ خانیا یێ حەجز كریە ئەڤ كرینا ئەردێ ب هەڤكاری و پشتەڤانیا هندەك دەولەتان دهێتە كرن دژی خەلكێ شنگال. مەرەما وان ئەو گوهۆرینا دیمۆگرافی ل شنگال دروست بكەن".
خۆیا ژی كر كو: "دەستێن دەولەتان دڤێ بابەتێ دا هەیە هندەك دەولەت پشتەڤانیێ دكەن بۆ كرینا ئەردێ شنگال داكو گوهۆرینا دیمۆگرافیی ل شنگال بكەن. هەر گرێبەستەكا كرینا ئەردێ شنگال بهێتە چێكرن دانپێدان پێ ناهێتە كرن نەیا قانوونی یە. ئەڤ كرینا ئەردێ شنگال ب رێیا دەولەتێن جیران دهێتە كرن".
تعليقات