250 خێزانێن ئێزدى ل وه‌لاتێ لوبنانێ داخوازا هاريكاريێ دكه‌ن
ئێزديخان نيوز:
نێزيكى 250 خێزانێن ئێزديێن باژێرێ عه‌فرينێ ل سووريا كۆچبه‌رى پايته‌ختێ وه‌لاتێ لوبنانێ بووينه،دره‌وشه‌كا سه‌خت و په‌ريشان دا دژين.
"منان جه‌عفه‌ر قرندل"ئێك ژ وان گه‌نجايه ژ گوندێ عشقيبار كۆچبه‌رى وه‌لاتێ لوبنانێ دبت و بۆ مالپه‌رێ(ئێزيدى 24)دبێژت:"ئه‌م كۆمه‌كا كۆچبه‌رێن ئێزديێن سووريا ل لوبنانێ دژين و ژ كێميا هاريكاريان و ده‌ليڤێن كارى دنالن،ده‌بارا ژيانا مه زۆر يا ب زه‌حمه‌ته و داخوازێ ژ هه‌ر ئێكێ ل جيێ به‌رپرسياريێ بت دكه‌ين هاريكاريا مه بكه‌ت".
ژئاليێ خۆ ڤه خانم "سوعاد سلێمان عيسو" بۆ ئێزيدى 24گۆت:"هه‌ر ژ ده‌مێ گه‌هشتينه ڤێده‌رێ هاريكارى نه‌گه‌هشتينه مه ژبللا هنده‌ك ئاهێن خوارنێ و ئه‌ڤه بتنێ تێرا مه ناكه‌ت و ره‌وشا مه زۆر يا ب زه‌حمه‌ته،ئه‌م گازيا خۆ دگه‌هيننه رێكخراوێن نێڤ ده‌وله‌تى و نه‌ته‌وه‌يێن ئێكگرتى هه‌ر زوو ده‌ستێ هاريكاريێ درێژ بكه‌ن چنكو ئه‌م نكارن ڤه‌گه‌رنه سووريا ڤه و گه‌فێن كوشتنێ ل مه تێنه كرن و نكارن سنوورێن وى وه‌لاتى ژى ده‌رباز بكه‌ن".
"شێخ جومعه" بۆ ئێزيدى 24 دياركر:"ره‌وش ل ڤێده‌رێ زۆر يا ب زه‌حمه‌ته چنكو حكومه‌ت رێ ناده‌ت بخۆ كار بكه‌ين و دخانيێن ب كرێدا دژين،نكارن ڤه‌گه‌رنه سووريا ڤه ژبه‌ركو ل وێده‌رێ تووشى چه‌وساندنێ دبن،هه‌روه‌سا نكارن بچنه وه‌لاتێن ديتر و هاريكارى ژى ناگه‌هنه به‌ر‌ده‌ستێ مه،ئه‌م داخوازێ ژ ئێزديان ل سه‌رانسه‌رى جيهانێ و هه‌موو خێرخوازان و رێكخراوێن مرۆڤى دكه‌ين ب گازيا مه ڤه بێن و ژڤێ ره‌وشا ب زه‌حمه‌ت قورتال بكه‌ن".
تعليقات