له‌شكه‌رێ نشتيمانى گوهۆرينا ئايينى لسه‌ر ئێزديان سه‌پاند
ئێزديخان نيوز:
دوهى 24نيسانا 2020ێ تيما دكيۆمێنتارى يا ده‌زگه‌هێ ئێزدينا سه‌ره‌دانا گوندێ باسوفان ل ده‌ڤه‌را عه‌فرينێ ل رۆژئاڤايێ كوردستانێ كر، و ديمه‌نێن شێواندنا نيشانگه‌ها مه‌زارگه‌هێ شێخ عه‌لى ل گوندى ژبال تيرۆرستێن توندره‌و ڤه سه‌ر بسه‌ر له‌شكه‌رێ نشتيمانى يێ سوورى ڤه دكيۆمێنتكرن.
خه‌لكێ سڤيل بۆ تيما دكيۆمێنتارى يا ده‌زگه‌هێ ئێزدينا دووپاتكر كو كۆمه‌كا تيرۆرستان ل رۆژا 23/4/2020ێ چۆينه گوندى و دگه‌ل خۆ ئاميرێ شۆڤه‌لێ ئينابوون و پشكه‌كا نيشانگه‌هێ شێواندن،ئه‌ڤه د ده‌مه‌كى دا لدوڤ گۆتنێن وان كو ئێزدى نه‌چار كرينه ده‌ڤه‌رێن خۆ چۆل بكه‌ن يان ئايينێ خۆ بگهۆرن و ئايينێ ئيسلامێ ب زۆرى بسه‌ر دا دسه‌پينن.
زێده‌ترى 18 مه‌زارگه‌هێن ئايينێ ئێزديان ل باژێرێ عه‌فرينێ هه‌نه لدوڤ تيما دكيۆمێنتارى يا ده‌زگه‌هێ ئێزدينا بتريا مه‌زارگه‌هان تووشى ژناڤبرن و خرابكرن و دزيێ بووينه،هه‌روه‌سا تيمێ دايه دياركرن كو ئێزديێن گوندێ باسوفان تووشى گڤاشتنێن زێده‌تر بووينه ژبال گرۆپان ڤه و ب زۆرى ئايينێ ئيسلامێ بسه‌ر هنده‌ك ژ وان دا سه‌پانديه.
تعليقات