پرۆسا راده‌ستكرنا روفاتێن ئێزديان هاته سه‌كناندن
باسنيوز:
كوردێن ئێزدی ل سالا 2014 ل قەزا شنگال تووشی مەزنترین تاوان بوون لسەر دەستێن تیرۆرستێن داعش لسەر دەمێ حكومەتا مالیكی، دئەنجامدا هزاران كەسین ئێزدی هاتنە كوشتن ورەڤاندن وبێ سەروشینكرن.
كچی كۆچۆ، ئێك ژوەلاتێن گوندێ كۆچۆ قەزا شنگال ژناڤ گۆرێن بكۆم رزگاربوویە بۆ (باسنیوز) دیار كر كو ل تەباخا سالا 2014ێ تیرۆرستێن داعش هێرشی سەر شنگال كرن و كچ و ژن و زارۆك رەڤاندن و زەلام گولەبارانكرن. ئەم هەموو دەستەسەركرن زەلام كوشتن ناڤ گۆرێن بكۆمدا ڤەشارتن ئەز بخوە برینداربووم ب برینداری ئەز رزگاربوویمە. نۆكە ئەم یێ بەرەڤ شەشەمێن سالڤەگەرا جینۆسایدا شنگال دچن وهێشتا گۆرێن بكۆم نەهاتینە ڤەكرن".
ئاشكەرا كر كو: "ئەو روفاتێن بەری سالەكی ژی ژ ناڤ 17 گۆرێن بكۆم ل گوندی هاتینە دەرخستن وبرینە بەغدا ب مەرەما پشكنینێ هەتا نۆكە رادەستی مە نەكرینە. ئەم داخازێ ژ حكومەتا هەرێما كوردستانێ و بەغدا و نەتەوەیێن ئێكگرتی دكەین لسەر گۆرێن بكۆم كاربكەن و روفاتێن عەزیزێن مە رادەستی مەبكەن داكو بن ئاخ بكەین".
فەلاح حەسەن، ئەندامێ دەستەیا ڤەكۆلینێ و كۆمكرنا بەلگەنامەیان ل پارێزگەها دهۆكێ بۆ (باسنیوز) دیاركركو:" ژبەر ڤایرۆسی كۆرۆنایێ روفاتێن ژناڤ گۆرێن بكۆم هاتینە دەرخستن نەهاتینە رادەستكرن بۆ كەس و كارێن قوربانیان. ئەڤ پرۆسەیا هاتینە راوەستاندن هەتا دەمەكێ نە دیاركری".
تعليقات