گۆرستانه‌كا ئێزديان هاته ژناڤبرن
ئێزديخان
نيوز:
ل
رۆژا پێنج شه‌مبوويێ 26/3/2020ێ خه‌لكێ گوندێ جيلاسز ل ده‌ردۆرێ باژێرێ نسێبينێ ل
باشوورێ رۆژهه‌لاتێ توركيا مه‌نده‌هۆش بوون ب هه‌بوونا زيانێن ب گۆرستانا "حسێن به‌گ" يا ئێزديان كه‌فتين ژبال كه‌سێن نه‌نياس ڤه چۆينه
دناڤ گۆرستانێ دا پشتى ديوارێ وێ برين.
كه‌سێن چۆينه دناڤ
گۆرستانێ دا چه‌ندين ناڤ و نيشانێن گۆڕان و هێمايێن ئايينێ ئێزديان ژناڤبرن.
ژێده‌ره‌كى ژناڤ
گوندى بۆ مالپه‌رێ(ئێزدينا)خوياكر:"ئه‌ڤ كه‌سێن نه‌نياس يێن چۆينه دناڤ گۆرستانێ
دا چه‌ندين
ناڤ و نيشانێن گۆڕان و هێمايێن ئايينێ ئێزديان ژناڤبرن،كو هێمايێن تاوس مه‌لك و
ناڤێ خودێ لسه‌ر ديوارێن گۆرستانێ و گۆره‌پان و گۆڕێن دناڤ دا هه‌بوون".
گۆرستانا
"حسێن به‌گ" ژيێ وێ دگه‌هته دۆرێن 270سالان دكه‌فته سه‌ر رێيا گوندێ
جيلاسز ل باكوورێ رێيا نسێبينێ يا سه‌ره‌كى.
خه‌لكێ
گوندى دلگرانن ژبه‌ر وان كريارێن توندره‌و يێن ده‌رهه‌قى كه‌لتۆرێ ئايينێ ئێزديان
دئێنه كرن.
وى
ژێده‌رى گۆتژى خه‌لكێ گوندى زۆر دلگران بووينه ژبه‌ر ڤان كارێن توندره‌و يێن ل
گوندێ وان دئێنه كرن،كو كه‌رب و كينێ هه‌مبه‌ر ئايين و كه‌لتۆرێ مه خويا دكه،ته‌كه‌زكر" ده‌سه‌لاتێن توركيا و باژێرڤانيا نسێبين كار بۆ دانانا راده‌يه‌كى بۆ ڤان جۆره
كرياران دكه‌ن".
رۆنكر
ژى خه‌لكێ گوندى ده‌سه‌لاتا توركيا هه‌مبه‌ر ڤان كاران بۆ سه‌ر كه‌لتۆرێ ئێزديان
به‌رپرسيار دبينن،هنده‌ك ئاليان تۆهمه‌تبار دكه‌ن كو هزرا ئخوان موسلمين هه‌نه ل
ده‌ڤه‌رێن باكوور بڤان كاران رادبن.
بۆ
زانين به‌ريا دوو سالان مالا ئێزديان يا ره‌وشه‌نبيرى و ئايينى كو ژبال خه‌لكێ
گوندى ڤه هاتبوو ئاڤاكرن هاته هه‌رفاندن و ژناڤبرن،هه‌تا نهۆ چوو ئاليان دووڤچۆن
لسه‌ر ڤان جۆره كرياران نه‌كريه.
تعليقات