قايممقامێ شنگال:دوور نینە كارەساتەكا مەزن ل شنگال دروست بت
باسنيوز:
قایمقامێ قەزا شنگال دیاركركوداعش بەردەوام لڤینێن خوە ل قەزا شنگال زێدە دكەت. ئەڤ لڤینێن داعش هەموو ب شەڤێ دهێنە كرن ب رۆژێ ژی ئەو داعش خوە وەكو خەلكێ سڤیل ددەنە ناسكرن.
مەحما خەلیل، قایمقامێ قەزا شنگال بۆ (باسنیوز) دیار كر كو: "17 بیرێن ئاڤێ یێن خەلكێ قەزا شنگال هاتینە تێكدان و وێرانكرن بتایبەتی ژی ل گوهبەل سەر ناحیا سنونێ ڤە. مە ناڤێن وان جۆتیاران ژی هەنە یێن بیرێن وان ئاڤێ هاتینە تێكدان. ئەڤ كارە ب شەڤێ دهێتە كرن ژلایێ چەكدارێن داعش ڤە ب رۆژێ ژی خوە دكەنە خەلكێ مەدەنی. بتایبەتی ژی ل گوندێن نێزیك سنۆرێ سوریا سنۆرێ ناحیا رەبیعە دا گەلەك مەترسیێ هەیە. مە داخاز كر كو بەغدا ئەركێ خوە رابیت رێگریێ ل هاتنا تیرۆرستێن داعش بكەت لێ هەتا نۆكە ئەڤ بابەت نەهاتیە چارەسەركرن ل قەزا شنگال".
خۆیا ژی كر كو دوور نینە كارەساتەكا مەزن ل شنگال دروست بیت. راستی ژی نۆكە كارتێكرنەكا مەزن ل سەر پێكڤە ژیانێ و ئاڤەدانیێ و زڤرینا خەلكێ شنگال هاتیە كرن ئاستەنگ بەردەوام ل شنگال دهێنە دروستكرن.
تعليقات