گرۆپێن چەكدار گه‌فان ل خه‌لكێ شنگال دكه‌ن
باسنيوز:
بەرپرسێ راگەهاندنا لقێ 17 پارتی دیموكراتی كوردستان ل قەزا شنگال دیاركركو خە لكێ سڤیل دناڤ شنگال دا هاتیە ترساندن ژلایێ گرۆپێن چەكدار ڤە. نها رەوشا شنگال گەهشتیە وێ ئاستێ چو كەس نەشێن بچنە شنگال بۆ هەر مەرەكی بیت.
ئیدریس زۆزانی، بەرپرسێ راگەهاندنا لقێ 17 پارتی دیموكراتی كوردستان ل قەزا شنگال بۆ (باسنیوز) دیار كر كو گەفێن رەڤاندن و كوشتنێ ل وەلاتیێن سڤیل دناڤ شنگال دا دهێنە كرن. هەتا ژی هەر كەسەكێ ژ كەمپان بچتە شنگال ب مەرەما سەرەدانێ ژی بیت تووشی گەفان دبیت ژلایێ وان گرۆپێن ناڤ شنگال دا. ئەو خەلكێ چووینە ناڤ شنگال ژی، تووشی مەترسی و گەفێن كوشتن ورەڤاندنێ بن. گرۆپ ولایەنیێن سیاسی یێ دەستهەلاتا نەشەرعی ل شنگال رێڤەدبەن، بۆ مەرەمێن خوە تایبەت ڤان گەفێن كوشتن و رەڤاندنێ ل خەلكێ شنگال دكەن.
خۆیا ژی كركو خەلكێ مە پتر ژ 85% دناڤ كەمپان داینە و نكارن بچنە شنگال ژبەر رەوش مەترسیدارە، چونكە هەر كەسێ ل شنگال بهێتە كوشتن ئەو چوو. ئەڤە بوویە جهێ مەترسیێ لسەر ژیانا خەلكێ شنگال.
تعليقات