شيعه‌كرنا شنگال ده‌ستپێكر
ئه‌ڤرۆ نیوز:
به‌رپرسێ لیژنا ناوچا پارتی ل بۆرك قه‌زا شنگال دیاركركو حه‌شدا شه‌عبی ده‌ست ب شیعه‌كرنا شنگال كریه ونوكه دوو مه‌زارگه‌هێن شیعه‌یان ل شنگال ئاڤاكرینه یێن ئیزدیان هاتینه پشتگوه هاڤیتن.
هادی سفوكا، به‌رپرسێ لیژنا ناوچا پارتی ل بۆرك قه‌زا شنگال دیاركر هه‌كه ره‌وشا شنگال وه‌سا مه‌ترسیدار بمینت دێ رۆژه‌ك هیت ئێزدی ب چ ره‌نگه‌كێ نه‌شین بچنه شنگال دێ هه‌موو كه‌ڤته ده‌ستی شیعه‌یان دا هه‌ر نوكه حه‌شدا شه‌عبی پلانا خوه شیعه‌كرنا شنگال بجه دئینت و ده‌ست ب ئاڤاكرنا مه‌زارگه‌هیێن شیعه‌یان كریه دناڤ شنگالێ دا و ب ده‌هان مه‌زارگه‌هێن ئێزدیان ل شنگال هاتینه خرابكرن وپه‌قاندن ژلایێ ده‌رندێن تیرۆرستێن داعش ڤه هه‌تا نوكه مه‌زارگه‌هیێن ئێزدیان نه‌هاتینه ئاڤاكرن لێ مه‌زارگه‌هێن شیعه‌یان هاتینه ئاڤاكرن.
خۆیا ژی كركو ره‌فتارێن حه‌شدا شه‌عبی زۆر خه‌لكێ شنگال بیزاركرینه ژبه‌ر ره‌فتارێن خراب یێن حه‌شدی ئێزدی نوكه نه‌شێن بچنه شنگال وهه‌موو هه‌ولا حه‌شدێ ل شنگال ئه‌وه چیایی شنگال بۆ مه‌ره‌میێن خوه بیخنه بن ده‌ستی خوه دا ئه‌ڤه ژی پلانه‌كا گه‌له‌ك مه‌ترسیداره ل شنگال دهێته بجه ئینان.
ل دووڤ ئامارێن رێڤه‌به‌ریا گشتیی یێ كاروبارێن ئێزدیان ل وه‌زارتا ئه‌وقاف وكاروبارێن ئاینی هه‌رێما كوردستانێ 68 مه‌زارگه‌هیێن ئێزدیان ژلایێ تیرۆرستێن داعش هاتینه په‌قاندن”.
تعليقات