مەھدی حەسەن موراد:پێتڤيه‌ مەزارگەھێن ئێزدیان ل کوردستانێ بێنه‌ پاراستن

:پێتڤيه‌ مەزارگەھێن ئێزدیان ل کوردستانێ بێنه‌ پاراستن

مەھدی حەسەن موراد 

پشتی ھاتنا دەولەتا ئیسلامی یا بناڤێ داعش و ب شێوەکی گشتی خاس و قوب و نیشانگەھێن ئێزدیان ھەوراندن و ژناڤبرن تایبەت ل شنگالێ و باشیک و بەحزانێ و بابیرێ و ھەر جھەکی دەستێ داعش کەھشتیێ ب ئارمانج جیھێن ئولی یێن پەروەستەکرنا ئێزدیان ھەوراندن ،لێ ئەڤ چەندە ژی مرۆڤ پێ د حەسێت دیرەک دووبارە دبیت ، وەکی ل دیروکێ مە گوھ لێ بی و مە خاندی و مە دیتی ژی پێنگاڤا ئێکێ داگیرکەرێن کوردستانێ نیشانگەھێن ئێزدیان ژناڤ برینە ، ل سالا ١٩٧٥ پشتی نەکسا شۆرەشا ئەیلولا مەزن بەعسیا عەرب ئینا نە سەر گوندێن ئێزدیان و تایبەت عەربێن حەدیدی و لھێب ئەڤێن ھاتینە سەر گوندێن باسکێ شێخا ھەمی قوب و نیشانگەھێن ئێزدیان ژ ناڤ برن وھەوراندن ، و رێگری ل ئێزدیان د کرن مریێن خو ل گۆرستانێن خۆ ڤەشێرن نەچاربون مریێن خۆ ل گۆرستانێ مەھەتێ ڤەشێرن ل بەر قوبا ئێزی ، دوژمن باش دیرۆکا ئێزدیان دزانن ئێزدی مللەتەکی رەسەنێ کوردستانێ نە ئەڤ جیھێن شوینوارێن ئولی رەسەناتیا کوردایەتیا ئێزدیان د چەسپینت ، لەوا ھەر گاڤەکا دەلیڤە بھێتە روخساندن بۆ دوژمنا ھەولێن ژ ناڤ برنا شوینوارین کەڤنار و تایبەت یێن ئێزدیان نەھێلن ل کوردستانێ بمینن ، ئێزدی ژی ڤان نیشانگەھێن خاس و باب چاکێن ھەین ب پیروز دزانن و ھەر گوند و باژارەکی ئێزدیان مرۆڤ بەرێ خۆ د دەتێ ئێکسەر چاڤێن مرۆڤی دێ ل قوبەکێ یان ئاقدەکا خاس و چاکێن مە ئێزدیان کەڤیت ئەو قوب یان ئەو ئاقد یێ لە سەرێ گرەکی بلندە مینا سومبلەکێ دناڤ گوندەکی دا ل جیھەکی بلند کو ھەر کەسەکی ببینت دێ زانت ئەڤ گوند گوندێ ئێزدیانە ، بێ شک ئەڤ نیشانگەھ و قوب خاسێن ئێزدیان وەک ناسنامەکێ لێ ھاتینە ، وەکی دی ژی ھەر گوندەکی ئێزدیان ژ دەست ئێزدیان دەرکەفتیا ئەڤ نیشانگەھ و قوب خاسێن مە ھاتینە ژ ناڤبرن و نەماینە ل پێ ھەر ناڤەک و مەبەستەکێ ھەبیت، لێ ئەڤە ماوەیێ چەند سالا پشتی شکەستنا دەولەتا ئیسلامی یا بناڤێ داعش و دەلیڤە بۆ ئێزدیا ھاتیە روخساندن ژمارەکا قوب و مەزارگەھێن داعش ھەرفاندین جارەکا دی ئێزدیان خێر خرکرن و ئاڤاکرن و پرۆژێ ئاڤاکرنا قوبا ل ھەمی جیھێن ئێزدیان ھاتە دەستپێکرن و ھەر گوند و باژارەکێ ئێزدی لێ ھەین نیشانگەھێن خاس و باب چاکێن خۆ ئاڤاکرن لێ جھێ داخیە ھندەک گوند مان شیانێن ئاڤاکرنا مەزارگەھێن خو نەبون ژبەر ئەڤ رەوشا نالەبار و ئەڤ قەیرانا ل سەر ھەرێما کوردستانێ دا ھاتی ھوسا ماینە ، لێ ھندەک گوندا گەلەک باش مەزارگەھێن خۆ دروست کرینە چ ئەڤێن ل سەر دەمێ بەعسیا و سدام حسێن ھاتیە ھەلوەشاندن چ ئەڤێن داعش ھەوراندین یێن د ھێنە ئاڤاکرن ، لێ تشتێ مە د ڤیا نە ھەر مەزارگەھێن گوندا بھێتە دروستکرن بەلکی ھندەک گوندا بتری (٥) نیشانگەھ و مەزارگەھێن خاسا ھەنە فەر ە ئەڤ ھەمی نیشانگەھ بھێتە نۆژەنکرن و ئاڤاکرن و پاراستن ژی ژ لایێ حکومەتا ھەرێما کوردستانێ ڤە ، ئێزدی مللەتەکی ھەژار و بەلنگازن ئەو شیان نینن ڤان ھەمی نیشانگەھ و مەزارگەھێن ھەین ل کوردستانێ ئاڤاکەن و پارێزن ، بەرپرساتیا وان د کەڤیتە ستویێ حکومەتێ ڤە ، ژ لایەکی دیڤە ئەڤ نیشانگەھ و مەزارگەھێن ئێزدیان بەلگەنە ژ بو ھەبونا ڤان ناوچەیێن ڤەقەتیای ژ ھەرێما کوردستانێ ، دڤیا ب زانین چاڤێن دوژمن و نەیارە ھەر گاڤ یێ ل ئاخا کوردستانێ و ئەڤ نیشانگەھ و مەزارگەھێن ئێزدیان شوینوارین دیروکینە کو ئەڤ ناوچەیێن ئێزدی لێ ھەین کوردستانی نە ، ژبەر کو ئێکەمین ئولا ل کوردستانێ ب زمانێ کوردی پەروەستی خودێ تەعالا دبن ئێزدی نە جل و بەرگ داب و نەریت زمان کلتور جیھ و ھتد ، ئەڤ چەند بنەمایێن رەسەن یێن کوردایەتیێ ل ناڤ چڤاکی ئێزدیان ھەینە ،لەوا ژی ھەر گاڤ دوژمن و نەیار ھێرش دکەنە سەر ئێزدیان و دخازن ئولا ئێزدیان نەھێلن ، ب دیتنا من ژ ھەر کەسەکی دلشوزێ ئێزدیاتیێ د ھێتە خاستن ھەولێن پاراستنا ڤان نیشانگەھ و خاس و باب چاکێن ئێزدیان ب دەن و بتر گرنگیێ ب ڤان نیشانگەھێن ئێزدیان بھێتە دان و بەرنامەکی تایبەت ژ لایێ حکومەتا ھەرێما کوردستانێ ڤە بھێتە داریشتن بۆ ئاڤاکرنا ھەمی جیھێن ئولی و نیشانگەھێن خاس و قوبێن ئێزدیان بکەن نە ل ھیڤیا گوندی و ئێزدیان ب ھێلن ئاڤاکەن ژ بەرکو ئێزدی د رەوشەکا خراب دا د ژین و ئەو شیانێن ئاڤاکرنا ھەم جیھێن ئولی نینن بتریا ئێزدیان نھا دەربدەرن و ل خیڤەتا دا د ژین و گەلەک گوندێن ئێزدیان نھا د بێخودانن کەس تێدا ناژیت ، د خازین حکومەت و پەرلەمانێ کوردستانێ خۆ ل ڤی بابەتی ب کەت خودان دا مرۆڤێ ئێزدی ژی سەر بلند ل کوردستانێ بژیت ب ھەبوونا خو ب حەسێت ژبەر کو ب ھەبونا ئێزدیاتیێ مرۆڤێ ئێزدی دلنیا و تەنا د بیت ل کوردستانێ .