زێده‌ترى 400 خێزانێن ناحيا باعه‌درێ چۆينه ده‌رڤه‌ى وه‌لاتى
ئێزديخان نیوز:
شه‌مال محه‌مه‌د ئه‌دیب رێڤه‌به‌رێ ناحیا باعه‌درێ بۆ مالپه‌رێ ئه‌ڤرۆ نیوز گۆت:پشتی وان كریارێن رێكخراوا تیرۆرستی یا داعش به‌رامبه‌ری خه‌لكێ سڤیل ئه‌نجام دای زیانێن مه‌زن ب وه‌لاتیان گه‌هاندینه ژ ئه‌نجامێ وان زیانان هزرا چوونا ده‌رڤه‌ی وه‌لاتی چۆ دناڤ سه‌رێ وه‌لاتیان دا گه‌له‌ك ژوان وه‌لاتیان ژی ژبه‌ر وێ چه‌ندێ كوچكریه ژبه‌ر نه‌بوونا ده‌لیڤێن دامه‌زراندنێ و كێمیا كاری دناڤ هه‌رێما كوردستانێ دا.
ناڤهاتی خویاكر پێدڤیه رێكخراوێن جڤاكێن مه‌ده‌نی و حوكمه‌ت و جهێن شوله‌ژێ بزاڤێ بكه‌ن دووفچوون لدوڤ ڤێ دیاردێ بهێته كرن رێگربن ژ چوونا وه‌لاتیان بۆ ده‌رڤه‌ی وه‌لاتی ژبه‌ركۆ به‌رده‌وام وه‌لاتیێن باعه‌درێ هزرا چوونێ بۆ ده‌رڤه‌ی وه‌لاتی دكه‌ن و گه‌له‌ك جاران ژی دگه‌ل جهێن شوله‌ژێ مه گه‌نگه‌شه‌كریه بۆ دیتنا رێكه چاره‌یه‌كی به‌لێ ده‌سته‌ك بتنێ نه‌شێت چاره‌سه‌ریا كێشه‌یه‌كێ بكه‌ت.
ناڤهاتی گۆت: ل ناحیا باعه‌درێ بتنێ زێده‌تری 400 خێزان ب ئێكجاری چوینه ده‌رڤه‌ی وه‌لاتی چوونا وان ژی یا به‌رده‌وامه، رێژا ئاواران دناڤ سه‌نته‌رێ باعه‌درێ 700 خێزانن خوجهێ سه‌نته‌رێ باعه‌درێ ژی 700 خێزان ماینه یێن دی هه‌موویان قه‌ستا ده‌رڤه‌ی وه‌لاتی یا كرینه .
تعليقات