مفا دێ ژ یاسایێن كرواتیا و كۆسۆفۆ بۆ خزمه‌تكرنا رزگاربوویێن ئێزدی ئێتە وەرگرتن
باسنيوز:
نوونەرا كوردێن ئێزدی ل جڤاتا نوونەرێن عێراقی دیاركركو بۆ خزمەتكرنا رزگاربوویێن ئێزدی ئەم كاردكەین مفایێ ژ یاسا وقانوونێن كرواتیا و كۆسۆفۆ وەربگرن. ئەم دێ د دەمەكێ نێزیكدا سەرا كرواتیا و كۆسۆفۆ دەن.
خالیدە خەلیل، نوونەرا كوردێن ئێزدی ل جڤاتا نوونەرێن عێراقی بۆ (باسنیوز) دیاركر: "ئەو یاسا و قانوونێن ل كرواتیا و كۆسۆفۆ بۆ باشكرنا ژیانا رزگاربوویان دهێنە بكارئینان ئەم دێ هەولدەن وان یاسا وقانوونا بۆ عیراقێ ڤەگوهێزن ب رێیا پەرلەمانێ ل عیراقێ كار پێ بهێتە كرن بۆ باشكرنا ژین وژیارا رزگاربوویێن ئێزدی، چونكو نها ل كرواتیا وكۆسۆفۆ گەلەك گرنگی و پووتە ب رزگاربوویان دهێتە دان ب رێكا قانوونی. پێدڤیە ل عیراقێ ژی هەمان تشت بۆ رزگاربوویان بهێتە كرن. ل بەرە دەمەكێ نێزیكدا ئەم بچنە كرواتیا و كۆسۆفۆ بۆ دیتن و ئینانا یاسا و قانوونێن وان پێخەمەت وێ چەندێ رزگاربووین ئێزدی مفایێ ژی وەربگرن”.
خویا ژی كر: "نها ئەم هەموو هەولدانان دكەن ب رێیا پەرلەمانێ عیراقێ خزمەتا خەلكێ خوە یێ لێقەومایی هاتینە گرتن و رەڤاندن ژلایێ تیرۆرستێن داعش ڤە، بكەن وهەرتشتەكێ بۆ وان بهێتە كرن یێ كێمە ژی لەورا مە دڤێت ب باشترین شێوە خزمەتا وان بهێتە كرن".
تعليقات