8 گوندێن ئێزدیان ھاتنە ڤالاکرن

WAAR-دهۆك:

8 گوندێن ئێزدییان ل رۆژئاڤایێ كوردستانێ ژ بەر ھێرشێن تورکیێ ئاوارەبووینە و ھەژمارا وان دگەھیتە سێسەد کەسان.

ژێدەرێن مەدیا یێن رۆژئاڤایێ کوردستانێ راگەھاند؛ ھەشت گوندێن ئێزدی نشین یێن رۆژئاڤایێ کوردستانێ ژبەر ھێرشێن تورکیێ ئاوارەی حەسەکێ بووینە، کو ھەژمارا وان دگەھیتە نزیکی 300 کەسان و پێک ھاتینە ژ گوندێ تل خاتوونێ ل تربەسپیێ.

ھەروەھا گوندێن سکرییە، تل بەنات، عەلوک، تاخێ پێشەسازی و دەردارا ل سەرێ کانیێ، خەلکێ وێ ژبەر ھێرشێن تورکیێ و ئۆپۆزسیۆنا سووریێ ب تەمامی ئاوارەی گوند و باژارێ حەسەکێ بووینە.