جڤاتەكا نوو بۆ رێڤه‌برنا كاروبارێن ئێزدیان دئێتە دروستكرن
باسنيوز:
بریكارێ میرێ ئێزدیان بۆ كارۆبارێن گەنجان دیار كر جڤاتەك بۆ هەموو ئێزدیێن جیهانێ و هەرێما كوردستانێ دهێتە دروستكرن، دێ بسەر میر حازم تەحسین بەگ ڤە بیت.
میر هەرمان میرزا بەگ، بریكارێ میرێ ئێزدیان بۆ كارۆبارێن گەنجان بۆ (باسنیوز) دیار كر هەموو ئێزدیێن جیهانێ دگەل یێن هەرێما كوردستانێ دێ رۆل دناڤ جڤاتا نوو دا هەبیت كو ئێزدیێن سوریا و توركیا و جورجیا وئەرمەنیا وروسیا وئێزدیێن دی یێن هەموو دەولەتێن جیهانێ دێ پێشكداریێ دجڤاتا نوو دا كەن. ئەو جڤات هێشتا بریارا دووماهیێ لسەر نەهاتیە دان كا دێ جڤات بیت یان پەرلەمانەك بۆ ئێزدیان. رازیبوون لسەر ڤێ پرۆژێ هاتیە كرن.دێ ب كارۆبارێن ئێزدیان رابیت دگەل حكومەتان ئەڤ كارا دێ ب سەرپەرشتیا میر حازم تەحسین بەگ میرێ ئێزدیان هێتە ئەنجامدان".
خویا ژی كر: "ل دەستپێكێ هزر هاتیە كرن هەتا 120 كەسان دناڤ ڤێ جڤاتا نوو دا هەبن ڤێجا كێم و زێدەبن هێشتا ئەو ئێكلانەبوویە. هەروەسا ژی دێ ئافرەت ژی رۆل تێدا هەبیت ئەڤ جڤات دێ بۆ بەرەڤانیكرنا مافێن ئێزدیان كار كەت".
تعليقات