ئيرۆ مەزنترین قوبا ئاینێ ئێزدیان دێ ل ئەرمەنستانێ ئێتە ڤەكرن
باسنيوز:
ئەڤرۆ 29/9/2019 ل ئەرمەنیا مەزنترین قوبا ئۆلا ئێزدیان ب پشكداریا شاندەكێ جڤاتا روحانیا ئێزدیان ودیندار و زانایێن ئاینی و كەساتیێن جڤاكێ دهێتە ڤەكرن.
حەجی مەغسۆ، چالاكڤانێ ئێزدی ل ئەمەرنیا بۆ (باسنیوز) دیار كر: "بەرهەڤیێن ڤەكرنا مەزنترین قوبا ئێزدیان ل ئەرمەنیا دەستپێكرینە. راستی ژی خەلكەكێ زۆر بەرهەڤ بوویە. دێ ب فەرمی ئەڤرۆكە قوبا تاووسێ مەلەك ل ئەرمەنیا هێتە ڤەكرن. بۆ گێرانا رێ و رەسمێن ئاینی ئێدی ئێزدیێن ئەرمەنیا دێ ل وەلاتێ خوە رێ و رەسمێن ئێزدیاتیێ كەن. ئەڤ قوبا تاووسێ مەلەك و حەفت ملیاكەت دهێتە ڤەكرن".
خدر دیرۆ، شیرەتكارێ جڤاتا روحانیا ئێزدیان راگەهاندكو شاندەكێ جڤاتا روحانیا ئێزدیان بەرەڤ ئەرمەنیا چووینە بۆ ڤەكرنا ئێكەمین مەزارگەهێ ئاینی ئێزدیان ل ئەرمەنیا كو ئەڤرۆكە ل ئەرمەنیا ب پێشكدریا جڤاتا روحانیا ئێزدیان و دیندار و زانایێن ئۆلا ئێزدیان وخەلكێ ئەرمەنیا و ئێزدیێن هەموو جیهانێ و بنەمالا میرێن ئێزدیان بەرهەڤ بووینە. دێ مەزارگەهێ تاووسێ مەلەك ب فەرمی هێتە ڤەكرن وئێدی ئێزدیێن ل ئەرمەنیا دێ رێ ورەسمێن خوە ئاینی ل بەر مەزارگەهێ گێرن".
تعليقات