ئاوارێن شنگال خۆپيشاندانه‌ك ئه‌نجام دا
WAAR-دهوك:
ئاوارەیێن ئاکنجیێن سنۆرێ پارێزگەها دهۆکێ ئەڤرۆ خوەنیشاندانەک ل بەرانبەر ئاڤاهیێ نەتەوەیێن ئێکگرتی کر و داخواز کر، فشار ل حکوومەتا ئیراقێ بهێن کرن داکو مافێ وان یێ دەنگدانێ نەهێتە سۆتن.
ژمارەکا ئاوارەیێن شنگال و دەڤەرێن دی یێن سەر ب پارێزگەها نەینەوا ڤە ب نوونەراتییا ئاکنجیێن چاردە کەمپێن ئاوارەیان ل سنۆرێ پارێزگەها دهۆکێ ئەڤرۆ خڕڤەبوونەک ل بەرانبەر ئاڤاهیێ نوونەراتییا نەتەوەیێن ئێکگرتی کر و د بەیانەکێ دا داخواز کر، مافێن وان یێن دەنگدانێ بۆ بهێنە ڤەگەڕاندن.
د بەیانێ دا هاتییە ژی، حکوومەتا ئیراقێ پتری پێنجی هزار دەنگێن ئاوارەیان یێن هەلبژارتنێن دوازدەی گولانا سالا دوهزار و هەژدێ هەلوەشاندن، نها ژی دانانا بنگەهـ و سندۆقێن دەنگدانێ بۆ هەلبژارتنێن ئێکی مەها نیسانا سالا بهێت یێن جڤاتێن پارێزگەهان، قەدەغە کرییە و ئاوارە ژ سەرەکیترین مافێن خوە بێبەهر بووینە.
نوونەرێن ئاوارەیان داخواز ژ نەتەوەیێن ئێکگرتی و حکوومەتا هەرێما کوردستانێ دکەن، فشاران ل حکوومەتا ئیراقێ بکەن داکو مافێن وان پێ بهێنە دان.
تعليقات