هێڤاريه‌كا هه‌لبه‌ست خواندنێ ل شاريا هاته گێران
ئێزديخان نيوز:
ئيرۆ 9/8/2019ێ و لژێر دروشمێ(مه‌ها ته‌باخێ مه‌ها ئێش و ژانێت ملله‌تێ مه‌یه)،هێڤاريه‌كا هه‌لبه‌ست خواندنێ لسه‌ر كۆمكوژيا ئێزديان ل شنگال و ئيمزاكرنا (دیوانا ئه‌مین بوتانى) هاته گێران.
ئه‌ڤ هێڤاريا هه‌لبه‌ست خواندنێ ژبال بنگه‌هێ لالش تایێ شاریا ب هه‌ڤكارى دگه‌ل رێكخراوا رۆژا شنگال بۆ مافێ مرۆڤى لسه‌ر كۆمكوژيا ئێزديان ل شنگال و ئيمزاكرنا ئیمزاكرنا (دیوانا ئه‌مین بۆتانى) بۆ نڤیسه‌ر و هه‌لبه‌ستڤان "ئه‌مین بۆتانى" ب ئاماده‌بوونا ژماره‌كا دام و ده‌زگه‌هێن حزبى و ره‌وشه‌نبير و مامۆستا و هه‌لبه‌ستڤان و خه‌لكێ ده‌ڤه‌رێ هاته سازكرن.
ل پێشيێ وه‌ك رێزگرتن لسه‌ر گيانێ پاكێ جانگۆريان ئاماده‌بوويى خۆله‌كه‌كێ سه‌كنين،پاشى كليپا گريڤانێ سۆر هاته پێشكێشكرن.
ل پێرا نڤیسه‌ر و هه‌لبه‌ستڤان "ئه‌مین بۆتانى" به‌حس ل وێ كۆمكوژيا بسه‌رێ ئێزديان ل شنگال دا هاتى لسه‌ر ده‌ستێ رێكخراوا تيرۆرستيا داعشێ كر.
پاشى هۆزانڤانى چه‌ند هه‌لبه‌ست لسه‌ر كۆمكوژيا ئێزديان خووندن.
دبرگه‌يه‌كا دى دا نڤیسه‌ر و هه‌لبه‌ستڤان "ئه‌مین بۆتانى" ب ئارمێ بنگه‌هێ لالش هاته خه‌لاتكرن.
ل داويێ (دیوانا ئه‌مین بوتانى) هاته ئيمزاكرن و بێ به‌رامبه‌ر بسه‌ر ئاماده‌بوويان دا هاته به‌لاڤكرن.
تعليقات