فه‌رمانگه‌هه‌ك بۆ ئێزدیان دێ ل جڤاتا وه‌زیرێن عێراقێ ئێته دانان
WAAR-دهۆك:
په‌رله‌مانێ ئیراقێ ب نیازه د وه‌رزێ نوو یێ یاسادانانێ دا، ده‌نگی ل سه‌ر پرۆژه‌یه‌كێ تایبه‌ت ب رزگاربوویێن ئێزدی بده‌ت، ل گۆری وێ فه‌رمانگه‌هه‌كا تایبه‌ت ب وان ڤه دێ ل جڤاتا وه‌زیران هێت دانان.
رۆژنامه‌یا سه‌باح یا فه‌رمی ژ زارێ لژنه‌یا مافێن مرۆڤی ل په‌رله‌مانێ ئیراقێ ڤه‌گوهاستییه، دگه‌ل ده‌ستپێكرنا وه‌رزێ نوو یێ یاسادانانێ، په‌رله‌مانێ ئیراقێ دێ ده‌نگی ل سه‌ر پرۆژه‌قانوونه‌كا تایبه‌ت ب رزگاربوویێن ئێزدی ده‌ت.
دایه زانین ژی، د وێ قانوونێ دا گه‌له‌ك ماف و ئێمتیازات ب رزگاربوویان هاتینه دان، وه‌ك مووچه‌یێ هه‌یڤانه و پاره‌چه زه‌ڤی.
هه‌روه‌ها دیاركر، دێ بزاڤ هێنه كرن فه‌رمانگه‌هه‌كا تایبه‌ت ب رزگاربوویان ژی ل جڤاتا وه‌زیرێن ئیراقێ بهێت دانان كو دێ كاری ل سه‌ر میكانزمێن قه‌ره‌بووكرنێ و بجهئینانا قانوونێ كه‌ت.
سه‌رۆك كۆمارێ ئیراقێ د سالڤه‌گه‌را پێنجێ یا كۆمكوژییا شنگالێ دا، داخواز ژ په‌رله‌مانێ ئیراقێ كربوو، ده‌نگی ل سه‌ر پرۆژقانوونا رزگاربوویێن ئێزدی بده‌ت.
تعليقات