كێشا كێمیا په‌رتۆكێن ئێزدیاتیێ ل قوتابخانان دێ ئێته چاره‌سه‌ركرن
تۆرا لالش يا راگه‌هاندنێ/دهۆك
پشتى دووڤچۆنا به‌رێز "شێخ شامۆ" راوێژكارێ سه‌رۆكێ حكومه‌تا هه‌رێمێ بۆ كاروبارێن ئێزديان وسه‌رۆكێ بنگه‌هێ لالش بۆ چاره‌كرنا كێشا كێميا په‌رتۆكێن بابه‌تێ ئێزدياتيێ،بريار هاته دان كو په‌رتۆكێن ئێزدياتيێ بۆ سالا نوو يا خووندنێ(2019_2020)ێ بێنه چاپكرن.
شه‌مۆ قاسم،به‌رپرسێ پشكا ره‌وشه‌نبيرى ل بنگه‌هێ لالش ل دهۆكێ بۆ(تۆرا لالش يا راگه‌هاندنێ)دياركر:"دپلانا وه‌زاره‌تا په‌روه‌ردا حكومه‌تا هه‌رێما كوردستانێ دا نه‌بوويه په‌رتۆكا ئێزدياتيێ بێته چاپكرن ، ئه‌م ناچار بووين هانا خۆ بگه‌هيننه به‌رێز "شێخ شامۆ" راوێژكارێ سه‌رۆكێ حكومه‌تا هه‌رێمێ بۆ كاروبارێن ئێزديان وسه‌رۆكێ بنگه‌هێ لالش و پشتى بابه‌ت گه‌هشتيه به‌رده‌ستێ وى په‌يوه‌ندى ب وه‌زاره‌تا په‌روه‌ردێ كر و رازه‌مه‌ندى وه‌رگرت كو چ پێويسته بێته كرن و ئيساله كێشا كێميا په‌رتۆكێن بابه‌تێ ئێزدياتيێ ل قۆناغێن خووندنێ بێته چاره‌كرن و ئيعاز هاته دان بۆ چاپكرنێ".
رۆنكر ژى ژماره‌كا بسپۆر و تایبه‌تمه‌ند و سه‌رپه‌رشتێن ئێزدياتيێ ل قۆناغێن ئاماده‌يى وبنه‌ره‌تى كێشا كێميا په‌رتۆكێن بابه‌تێ ئێزدياتيێ گه‌هانده به‌رێز"شێخ شامۆ" پشتى دووڤچۆنا شێخى ل وه‌زاره‌تا په‌روه‌ردێ رازه‌مه‌ندى وه‌رگرت كو ئيساله په‌رتۆك بێنه چاپكرن و ئه‌ڤ كێشه هاته چاره‌كرن و ئه‌گه‌ر نه ژ رۆلێ جه‌نابێ شێخى ببا ئيساله په‌رتۆك نه‌دهاتنه چاپكرن.
به‌رپرسێ پشكا ره‌وشه‌نبيرى ل بنگه‌هێ لالش ل دهۆكێ دياركر:"دوهى رۆژا پێنج شه‌مبوويێ 22ى ته‌باخا 2019ێ ل بنگه‌هێ لالش ل دهۆكێ كۆمبوونه‌ك ژبۆ چاره‌كرنا كێشا نه‌بوونا په‌رتۆكێن بابه‌تێ پرۆگرامێ ئێزدياتيێ بۆ هه‌موو قۆناغێن خووندنێ دگه‌ل سه‌رپه‌رشتێن ئێزدياتيێ ل قۆناغا ئاماده‌يى وبنه‌ره‌ت ل په‌روه‌ردێن سێمێل و شێخان و شنگال و تلكێفێ هاته ئه‌نجام دان".
تعليقات