سێ رۆژێن بێنڤه‌دانا فه‌رمى بۆ فەرمانبەرێن ئێزدی هاتن دياركرن
باسنيوز:
رێڤەبەرێ گشتی یێ كاروبارێن ئێزدیان دیار ك ژبەر گێرانا رێ ورەسمێن جەژنا چلێ هاڤینێ بۆ هەموو فەرمانبەرێن ئێزدی دێ بیتە بێهنڤەدانا فەرمی.
خەیری بۆزانی، رێڤەبەرێ گشتیی یێ كاروبارێن ئێزدیان ل وەزارتا ئەوقاف وكاروبارێن ئاینی حكومەتا هەرێما كوردستانێ بۆ (باسنیوز) دیار كر: "ژبەر جەژنا چلێ هاڤینێ بریار هاتیە دان سێ رۆژان بۆ هەموو فەرمانبەرێن ئێزدی ل سەرجەم دام و دەزگەهێن حكومەتا هەرێما كوردستانێ بێهنڤەدانا فەرمێی بیت. دووڤ بریارا پەرلەمانێ كوردستانێ و حكومەتا هەرێما كوردستانێ و ئەڤ سالە ژی بێهنڤەدانا فەرمانبەرێن ئێزدی ل رۆژا 31/7/2019 دەست پێ دكەت هەتا رۆژا 2/8/2019ێ و ل رۆژا 3/8/2019 ب دووماهی دهێت ئانكو 3/8/2019 دێ دەست ب دەواما خوە كەن".
ل رۆژا 31/7/2019 كوردێن ئێزدی دێ دەست ب گێرانا رێ و رەسمێن جەژنا چلێ هاڤینێ كەن بۆ دەمێ سێ رۆژان ل پەرستگەها لالش.
تعليقات