د كابینا نەهێ یا حكومەتا هەرێما كوردستانێ دا شنگال دێ ئێته ئاڤەدانكرن
باسنيوز:
سەرۆكێ جڤاتا قەزا شنگال دیار كر:" خەلكێ شنگال چاڤەرێ راگەهاندنا حكومەتا نوو یا هەرێما كوردستانێ دكەن وگەشبینن دێ شنگال لسەر دەستێ كابینا نەهێ هێتە ئاڤەدانكرن".
وەیس نایف، سەرۆكێ جڤاتا قەزا شنگال بۆ (باسنیوز) دیار كر: "حكومەتێن عێراقی ئێك دووڤ ئێكێ هەتا نۆكە ژی هیچ خزمەتەك بۆ شنگال ئەنجام نەداینە. ئەو كاروخزمەتێن بەرێ كارەساتا شنگال دهاتنە ئەنجامدان ل شنگال هەموو ب هەڤكاری و پشتەڤانیا حكومەتا هەرێما كوردستانێ دهاتنە كرن. نۆكە ژی ئەم گەشبینن كو دێ كابینا نەهێ یا حكومەیا هەرێما كوردستانێ دا شنگال هێتە ئاڤەدانكرن و تەناهی دێ شنگال دروست بیت. دیێ سەروسامانێ خەلكێ هێتە پاراستن، دێ خەلك زڤرنە سەر جهێن خوە".
خویا ژی كر: "نەبوونا پێشمەرگەهی ل شنگال رامانا نەبوونا تەناهیێ و ئاڤەدانیێ یە بۆ شنگال. ئەم هێڤی نە د وەختەكێ نێزیكدا چارەسەریەك بۆ رەوشا شنگال هێتە دیتن و پێشمەرگەهێ كوردستانێ دێ زڤرتە شنگال. ل سەر دەمێ كابینا نەهێ دێ رەوشا شنگال هێتە باشكرن".
تعليقات