پرۆژه‌ك بۆ ڤه‌گه‌ريانا ئاوارێن شنگالێ پێشكێشى به‌غدا هاته كرن
باسنيوز:
قایمقامێ قەزا شنگال دیار كر: "پرۆژەكێ نوو ژلایێ ئیدارا شەرعی یا شنگال ڤە بۆ حكومەتا عێراقی و ئیدارا پارێزگەها نەینەوا هاتە پێشكێشكرن. ل گۆری وێ پرۆژێ ماوەكێ دەست نیشانكری هاتیە دانان بۆ زڤرینا ئاوارێن شنگال ئارامیا شنگال".
مەحما خەلیل قایمقامێ قەزا شنگال بۆ (باسنیوز) دیار كر: "نۆكە مە پرۆژەكێ نوو بۆ خزمەتكرنا شنگال و خەلكێ شنگال دایە بەغدا، ئەم چاڤەرێنە پێنگاڤێن جددی ل سەر بهێنە هاڤێتن. هەكە كار ل سەر پرۆژێ نوو بهێتە كرن وئێمناهی ل شنگال بەرقراربیت ومەترسی ل سەر ژیانا خەلكێ شنگال نەمینت ماوەكێ دەست نیشانكری دا دێ هەموو ئاوارە زڤرنە سەر جه و مالێن خوە و هەكە ژی هات پرۆژەی نوو نەهێتە بجه ئینان وئارامی ل شنگال دروست نەبیت دێ رەوشا شنگال و خەلكێ شنگال زێدەتر ئالۆز بیت، نەشێن ڤەگەرن".
خویا ژی كر: "بۆ ئاڤەدانیا شنگال وقەرەبوو كرنا زیانڤێكەڤتیێن شنگال و ئارامكرنا رەوشا شنگال ئەم هەولێن بەردەوامداینە دگەل حكومەتا عێراقی و ئیدارا پارێزگەها نەینەوا".
تعليقات