درۆژا جيهانى يا زارۆيان دا..چارەنڤیسێ ب سه‌دان زارۆيێن ئێزدی يێ دیار نینە
باسنيوز:
بەرپرسێ نڤێسینگەها رزگاركرنا رەڤاندیێن ئێزدی ل دهۆكێ دیار كرد رۆژا جیهانیا یا زارۆكاندا ئەم داخوازا هاریكاری ژهەموو دەولەتیێن جیهانێ دكەین بۆ رزگاركرنا زارۆكێن بن دەستێن تیرۆرستێن داعش دا كو هەتا نوكە چارەنڤیسی هژمارەكا مەزن یا زارۆكێن كوردێن ئێزدی دیار نینە.
حسێن كۆردۆ قائیدی، بەرپرسێ نڤێسینگەها رزگاركرنا رەڤاندییان یا ب سەر نڤێسینگەها سەرۆكێ حكومەتا هەرێما كوردستانێ ڤە بۆ (باسنیوز) دیار كر: "هژمارەكا مەزن یا زارۆكێن ئێزدی یێن هاتینە گرتن و رەڤاندن ژلایێ تیرۆرستێن داعش ڤە هەتا نوكە مە شیایە 1936 زارۆكان ژبن دەستێن تیرۆرستێن داعش رزگار بكەین ژوانا ژی 1010 زارۆكێن كچ بووینە و 926 زارۆكێن كور بووینە و هیشتا ژی چارەنڤیسی سەدان زارۆكان ژی دیار نێنە كو هەر ژ دەستپێكێ و تا نها بەردەوام دەنگێ خوە د گەهینینە جیهانێ كو چەرخێ بیست و ئێكێ یە و مرۆڤ د ڤی چەرخی دا ب كۆم هاتنە بن ئاخكرن، هاتنە شەواتاندن، كڕین و فرۆتن وەكی بەری هزاران سالان پێ هاتەكرن، كۆلاتی و ئۆل گوهۆڕین ب چاڤ هاتنە دیتن".
خۆیا ژی كر: "خوازێن هەموو جیهان هاریكار بیت هەتا ئێك زارۆیێ كوردێ ئێزدی د دەست تیرۆرستان دا مابیت د هایكار بن د گەل مە، بۆ رزگاركرنا ژیانا هەموو زارۆكێن بن دەستی تیرۆرستێن داعشێ دا".
تعليقات