خێرى بۆزانى:"سێ ھه‌زار و476 گرتيێن ئێزدى ژ دەستێن تیرۆرستێن داعش هاتينه رزگاركرن"
باسنيوز:
رێڤەبەریا گشتیا كاروبارێن ئێزدیان نووترین ئامارا جینۆسایدا بسەر خەلكێ شنگال هاتی، راگەهاند. ژمارا ئێزدیان ل عێراقی دگەهتە پێنجسەند و پێنجی ھزاركەسن كو سێسەدو شێست ھزارئێزدی ژبەر تیرۆرستێن داعش ئاوارە بووینە ورۆژێن ئێكێ دا ژ جینۆسایدا شنگال ھزار و293 كەس هاتینە شەهیدكرن، هەتا نۆكە 80 گۆرێن ب كۆم هاتینە دیتن".
ئەڤرۆ 3/6/2019 خەیری بۆزانی، رێڤەبەرێ گشتی یێ كاروبارێن ئێزدیان ل وەزارتا ئەوقاف وكاروبارێن ئاینی حكومەتا هەرێما كوردستانێ نووترین ئامار راگەهاند كو دانەیەك بۆ (باسنیوز) هاتیە وتێدا دیار كر: "ھزار و759 كور وكچ ماینە بێ باب و 407 ماینە بێ دایك و359 زارۆك ژی ماینە بێ دایك وباب و دایك وبابێن 220 زارۆكان دەستێ تیرۆرستێن داعشێ دانە. هەتا نۆكە 80 گۆرێن بكۆم یێن هاتینە دیتن دگەل دەهان گۆرێن دی یێن تاكە كەسی و 68 مەزارگەهێن ئێزدیان ژلایێ تیرۆرستێن داعش هاتینە پەقاندن و دۆرین سەد هزار كەسان ژی كۆچبەر بووینە یێن چووینە ژ دەرڤەی وەلاتی".
خۆیا ژی كر: "ل جینۆسایدا شنگال شەش ھزار و417 كەس هاتبوونە رەڤاندن ژوانا ژی سێ ھزار و548 كچ وژنن بوون و دو ھزار و 869 زارۆك وزەلام بووینە. هەتا نۆكە سێ ھزار و476 كەس ژ دەستێن تیرۆرستێن داعش رزگاربووینە ژوانا ژی ھزار و184 رەگەزێ مێ بووینە و 337 رەگەزێ نێر بووینە وھزار و20 زارۆكێن كچن و935 زارۆكێن رەگەز نێر بووینە. هەتا نۆكە دو ھزار و941 كەس دەستێن تیرۆرستێن داعشدا ماینە ئەوژی ھزار و344 ژ رەگەزێ مێ نە و ھزار و597 رەگەزی نێرن".
تعليقات