رێكخراوا رۆژا شنگال 15پرۆژێن بچوك بۆ رزگاربوویان ل پارێزگەها دهۆكێ ڤەكرن
بەریا چەند رۆژان،پرۆژێ(بەردەوامیدان لسەر ژیانێ) بۆ 15كچ و ژنێن رزگاربوویێن ئێزدی ل سێ كەمپێن ئاواران ل باژێرێ دهۆك و زاخۆ هاتە ڤەكرن،كو ژ 15پرۆژێن بچوك پێك دئێت،ل هەر كەمپەكێ 5پرۆژە هاتینە ڤەكرن.
پرۆژە بۆ ماوێ 12هەیڤان ب سەرپەرشتیا رێكخراوا رۆژا شنگال بۆ مافێ مرۆڤی و ب هەماهەنگی دگەل فەرمانگەها رێكخراوێن نە حكومی ل بەغدا دئێتە كرن.
پرۆژە ب پشتەڤانیا دارایی یا بەنكا ناڤەندی یا عێراقێ/دەستپێشخەریا تەمكین و تەڤگەرا مەزاختنێن عێراقێ دئێتە كرن.
ئارمانج ژ پرۆژەی پێگەهاندنا كچ و ژنێن رزگاربوویێن ئێزدی ژئالیێ ئابووری ڤە كو پشت بەستنێ لسەر خۆ بكەن بۆ خودانكرنا خێزان و خۆ گونجاندنێ دگەل جڤاكێ خوجـهـ.
هەروەسا كچ و ژنێن رزگاربوویێن ئێزدی خۆشحالیا خۆ دەربری و پرۆژە بلند نرخاندن و بەرهەڤیا خۆ دانە دیاركرن بۆ كاركرنێ و ڤەگەرنە ژیانا سروشتی و كەسوكارێن وان ژی خۆشحالبوون ب ڤەكرنا ڤی پرۆژەی،دووپات ل ڤەكرنا ڤان پرۆژێن ئابووری بۆ رزگاربوویێن ژ دەستێن داعش كرن.
هەروەسا كارگێریا كەمپێن(شاریا و باعەدرێ)ل دهۆك و كەمپا(چەم مشكۆ)ل زاخۆ،خۆشحالیا خۆ دەربری ب ڤەكرنا پرۆژەی و پشتەڤانی و هەڤكاریا خۆ دانە دیاركرن بۆ سەرخستن و بەردەوامیدانا پرۆژەی.
رێكخراوا رۆژا شنگال بۆ مافێ مرۆڤی
تعليقات