ب پشكداريا په‌رله‌مانێ ئه‌ورۆپى ئيرۆ كۆمبوونه‌ك دێ ل شنگالێ ئێته ئه‌نجام دان
باسنيوز:
سەرۆكێ جڤاتا پارێزگەها مووسل دیار كر ئەڤرۆ 27/5/2019 نوونەرێن پەرلەمانێ ئەوروپا و دانیمارك و نەرویچ دناڤ سەنتەرێ قەزا شنگالێ دێ بەرهەڤ بن بۆ ئەنجامدانا كۆمبوونەكێ ل سەر ئاڤەدانیا شنگال و ڤەگەریانا ژیانێ ل شنگال.
سەیدۆ چەتۆ، سەرۆكێ جڤاتا پارێزگەها مووسل بۆ (باسنیوز) دیار كر: "هەماهەنگی دناڤبەرا حكومەتا هەرێما كوردستانێ و حكومەتا عێراقێ وجڤاكێ نێڤدەولەتی دا هەیە بۆ ئارامیا شنگال وئاڤەدانی و ڤەگەریانا خەلكێ شنگال. ئەڤە چەندین كۆمبوون ژی بۆ ئارامیا شنگال و ئاڤەدانیا شنگال هاتنە ئەنجامدان، ئەنجام ژی بەرەڤ باشیێ نە. ئەو مین وتەقەمەنیێن تیرۆرستێن داعش ژی ل شنگال داناین، دێ زووترین وەخت هەموو هێنە راكرن وژناڤبرن داكو مەترسی ل سەر ژیانا وەلاتیان دروست نەبیت، دەمێ دزڤرنە ناڤ خانیێن خوە دا".
خویا ژی كر: "ئەڤرۆكە ژی سێ بالیۆز ونوونەرێن دەولەتێن ئەوروپی دگەل نوونەرێن حكومەتا عێراقێ دێ قەستا شنگال كەن بۆ ئەنجامدانا كۆمبوونەكێ دناڤ سەنتەرێ شنگالێ دا ب مەرەما ئاڤەدانیا شنگال".
تعليقات