ب پشتەڤانیا پارێزگارێ دهۆكێ كارەبا پەرستگەها لالش دێ بتە ۲٤ دەمژمێری
تۆرا لالش يا راگه‌هاندنێ/دهۆك
ب پشته‌ڤانيا پارێزگارێ دهۆكێ به‌رێز"فه‌رهاد ئه‌مين ئه‌تروشى" كاره‌با پەرستگەها لالش دێ بتە ۲٤ دەژمێری و پرۆژه‌يه‌ك بۆ زارۆكێن رزگاربوويێن ئێزدى دێ ئێته به‌رهه‌ڤكرن.
جه‌عفه‌ر سمۆ،رێڤه‌به‌رێ رێڤه‌به‌ريا كاروبارێن ئێزديان ل پارێزگه‌ها دهۆكێ بۆ مالپه‌رێ(تۆرا لالش يا راگه‌هاندنێ) دياركر" ب مه‌ره‌ما گه‌هاندنا چه‌ندين داخوازيێن ئێزديان ئيرۆ 20/5/2019ێ سه‌ره‌دانا پارێزگارێ دهۆكێ كر".
سمۆ ئاشكه‌راكر" پارێزگارێ دهۆكێ به‌رێز" فه‌رهاد ئه‌مين ئه‌تروشى" ب خۆشحالی ڤە پشتەڤانیا خۆ بۆ هەر داخوازیەكا مە دووپاتكر،ژوان ژی لایەنێن پەیوەندیدار راسپاردن بۆ پەیداكرنا كارەبا بەرده‌وام بۆ پەرستگەها لالش كو ببته 24ده‌مژمێرى،هه‌روه‌سا رازەمەندی لسەر نووژەنكرنا ئاڤاهیێ مەزارێ شێخ عنزلوت ل كۆمه‌لگه‌ها شاریا دا".
رێڤه‌به‌رێ رێڤه‌به‌ريا كاروبارێن ئێزديان ئاماژه ب وێ چه‌ندێ دا پارێزگارێ دهۆكێ پشتەڤانیا خۆ دیاركر بۆ به‌رهه‌ڤكرنا پرۆژەیەكی بۆ خزمەتا وان زارۆكێن ئێزدی يێن ڤێ داویێ ژ باغۆزا سوورى قورتالبووین.
تعليقات