سێ گرتيێن ئێزدى ل سووريا هاتنه رزگاركرن و گه‌هشتنه هه‌رێما كوردستانێ
ئێزديخان نيوز:
ئيرۆ ئينيێ 25/1/2019ێ نڤيسينگه‌ها رزگاركرنا گرتيێن ئێزدى ل پارێزگه‌ها دهۆكێ رزگاركرنا سێ كه‌سێن ئێزدى ل سووريا ژ ده‌ستێن تيرۆرستێن داعش راگه‌هاند.
حسێن قايدى،به‌رپرسێ نڤيسينگه‌ها رزگاركرنا گرتيێن ئێزدى ل پارێزگه‌ها دهۆكێ د داخويانيه‌كێ دا راگه‌هاند:"نڤيسينگه‌ها رزگاركرنا گرتيان سێ كه‌سێن دى يێن ئێزدى بناڤێ(ايم خ،غ) ته‌مه‌ن 17 سالى و (س ،در، ح)20سالى و (ك-در- ح)11سالى ل سووريا ژ ده‌ستێن تيرۆرستێن داعش رزگاركرن،كو ل 3/8/2014ێ كه‌فتبوونه ده‌ستێ تيرۆرستان دا".
قايدى دووپاتكر:"هه‌ر ژ/8/2014ێ و هه‌تا نهۆ نڤيسينگه‌هێ(3345 ) كه‌سێن ئێزدى ژ هه‌ردوو ره‌گه‌زان ژ سه‌رجه‌مێ ( 6417)كه‌سێن كه‌فتينه ده‌ستێ داعش رزگاركرينه و پرۆسا رزگاركرنێ يا به‌رده‌وامه".
به‌رپرسێ نڤيسينگه‌ها رزگاركرنا گرتيێن ئێزدى رۆنكر:"به‌ريا دوو ده‌مژمێران ئه‌ڤ هه‌رسێ كه‌سێن هاتينه رزگاركرن گه‌هشتنه هه‌رێما كوردستانێ و ب ديتنا كه‌س و كارێن خۆ ل كه‌مپان شادبوون،ئه‌ڤ پرۆسه ب هه‌ماهه‌نگى دگه‌ل لايه‌نێن ئه‌منى يێن هه‌رێمێ هات ئه‌نجام دان".
تعليقات