كچێن ئێزدی یێن رزگاربوویێن ده‌ستێ داعشێ دێ ملیۆن دیناران وه‌رگرن
WAAR-دهۆك:
وه‌زاره‌تا كۆچ و كۆچبه‌رێن ئیراقێ راگه‌هاند، هه‌ر كچه‌كا ئێزدی یا ژ بوویه قوربانییا داعشێ دێ ملیۆنه‌ك دینارێ ئیراقی وه‌رگریت.
نۆفل بهاء موسی، وه‌زیرێ كۆچ و كۆچبه‌رێن ئیراقێ ئه‌ڤرۆ د سه‌ره‌دانا خوه‌دا بۆ قه‌زا تلكێفێ ل پارێزگه‌ها نه‌ینه‌وا راگه‌هاند؛ كچێن ئێزدییان تووشی توندوتیژی و كاره‌ساتان بووینه ژ ئالیێ رێكخستنا تیرۆری یا داعشێ، پێدڤییه هاریكارییا وان ژ هه‌موو ئالییه‌كێ بهێت كرن تاكو بزڤرن ژیانا خوه یا ئاسایی.
دیار ژی كر، هه‌ر كچه‌ك و ژنه‌ك یا ژ ده‌ست تیرۆریستێن داعشێ رزگاربووی دێ ملیۆن دینارێن ئیراقی وه‌رگریت.
داعشێ ل سێ یێ ته‌باخا سالا 2014ێ ده‌ست ب سه‌ر شنگالێ و چه‌ندین ناڤچه‌یێن ئێزدییان دا گرت، پتری 6 هزار كچ و ژنێن ئێزدییان هاتن ره‌ڤاندن، هه‌ژماره‌كا وان هاتییه رزگاركرن، لێ پتری سێ هزار ژ وان تا نها ده‌ست داعشێ دانه.
تعليقات