مه‌حما خه‌ليل:د بودجا ٢٠١٩ێ یا عێراقێ دا چوو دراڤ بۆ شنگالێ نەھاتیە تەرخانکرن
ئەڤرۆ نیوز:
قایمقامێ قەزا شنگالێ بۆ ئەڤرۆ نیوز دیار کر کو شاندەکێ ئیدارا شەرعی یا قەزا شنگالێ بۆ چارەکرنا ئاریشا دێ چیتە بەغدا و گۆت: “د بۆدجا ٢٠١٩ێ یا عیراقێ دا چو پارە بۆ شنگالێ نەھاتیە تەرخانەکرن”.
مەحما خەلیل، قایمقامێ قەزا شنگالێ ئاشکرا کر کو ب مەرەما چارەکرنا ئاریشێن قەزا شنگالێ نوکە بەرھەڤی بۆ چوونا شاندەکێ ئیدارا شەرعی یا شنگالێ بۆ بەغدا دھێنەکرن و گۆت: “ھەر دەمێ بەرھەڤیێن چوونا ڤی شاندی بۆ بەغدا تمامبوون دێ ژڤانێ چوونێ راگەھینین”.
ناڤھاتی ئاماژە دا وێ چەندێ کو ژ بەر نەبوونا خزمەتگۆزاریان و ئێمناھیێ ل قەزا شێخان ھەتا نوکە خەلکێ دڤەرێ وەکو پێدڤی نەشێن ڤەگەڕنە سەر مال و مولکێن خوە و گۆت: “ئەڤە د دەمەکی دایە کو د دستوورێ عیراقێ دا ھاتیە کو دڤێت بۆدجە ل دووڤ رێژا خوەجھیا دەڤەرێ بھێتە بەلاڤکرن، بەلێ ل دووڤ پێزانینێن وان بەغدا د بۆدجا ٢٠١٩ێ یا عیراقێ دا چو پارە بۆ شنگالێ تەرخانەکریە و گۆت: “ئەم ژ ڤێ چەندێ د رازی نینین و ب چو شێوەیان قەبوول ناکەین شنگال ژ بۆدجا عیراقێ یا بێ بەھر بیت”.
تعليقات