فه‌ره‌نسا پشته‌ڤانيا خۆ بۆ دووباره ئاڤاكرنا ده‌ڤه‌رێن ئێزدیان راگه‌هاند
WAAR-دهۆك:
سه‌رۆكێ فره‌نسا پێشوازی ل كوردا ئیزیدی یا هه‌لگرا خه‌لاتێ نۆبێل یێ ئاشتییێ كر و پرسا شنگالێ و دوباره ئاڤاكرنا ده‌ڤه‌رێن ئیزیدییان به‌حس كرن.
نادیا مۆراد، كوردا ئیزیدی یا هه‌لگرا خه‌لاتێ نۆبێل یێ ئاشتییێ ل کۆچکا سەرۆکاتییا فره‌نسا “ئیلیزێ” ل گه‌ل سه‌رۆكێ فره‌نسا ئیمانۆێل ماكرۆنی كۆم بوو و ناڤهاتییێ د داخویانییه‌كا رۆژنامه‌ڤانی دا گۆت: وێ و سه‌رۆك ماكرۆنی گۆتوبێژ ده‌رباره‌ی پرسا شنگالێ و دوباره ئاڤاكرنا ده‌ڤه‌رێن ئیزیدییان كر و ناڤهاتی ئه‌و داخوازی كوربه‌ندێ پاریسێ یێ ئاشتییێ كرییه، كو بریاره ل 15ى مه‌ها بهێت بهێته كرن.
نادیا مۆرادێ ئاشكه‌را ژی كر: سه‌رۆكێ فره‌نسا ئه‌و ئاگاهدار كرییه كو فره‌نسا د وی كۆربه‌ندی دا دێ پشته‌ڤانییا خوه بۆ دوباره ئاڤاكرنا ده‌ڤه‌رێن ئیزیدییان راگه‌هینیت.
تعليقات