خێرى بۆزانى:دژى ڤه‌كرنا ده‌ڤه‌رێن ئارامين ل شنگال و هه‌ولێرێ بۆ په‌نابه‌رێن ئێزدى ل ئه‌لمانيا

ئێزديخان نيوز:

رێڤه‌به‌رێ گشتیێ كاروبارێن ئێزدیان ل وه‌زاره‌تا ئه‌وقاف و كاروبارێن ئایينى يا حكومه‌تا هه‌رێما كوردستانێ راگه‌هاند،ڤه‌كرنا ده‌ڤه‌رێن ئارام ل شنگال و هه‌ولێرێ بۆ په‌نابه‌رێن ئێزدى يێن ل ئه‌لمانيا پێنگاڤه‌كا راست و دروست نينه‌ و دژى ڤێ چه‌ندێ نه‌.

خێرى بۆزانى، رێڤه‌به‌رێ گشتیێ كاروبارێن ئێزدیان دراگه‌هاندنه‌كێ دا ئاشكه‌راكر:"دوهى رۆژا دووشه‌مبوويێ 15ئوكتۆبه‌را 2018ێ لگه‌ل خانم "باربارا ڤولف" كۆنسولا گشتى يا ئه‌لمانيا ل هه‌ولێرێ و خانم "باربارا شوماخر" كونسولا كاروبارێن سياسى و ئابوورى و هاريكاريێن مرۆڤى،هه‌ر ئێك ژ بابه‌تێن گرنگ يێن ڤه‌كرنا ده‌ڤه‌رێن ئارام ل شنگال و هه‌ولێرێ بۆ په‌نابه‌رێن ئێزدى يێن ل ئه‌لمانيا و هاريكاريكرنا ئاواران ب رێيا فێركرنا پيشه‌يان و ئه‌و پشت به‌ستنێ لسه‌ر خۆ بكه‌ن گه‌نگه‌شه‌كرن".

بۆزانى دووپاتك:" ڤه‌كرنا ده‌ڤه‌رێن ئارام ل شنگال و هه‌ولێرێ بۆ په‌نابه‌رێن ئێزدى يێن ل ئه‌لمانيا پێنگاڤه‌كا راست و دروست نينه‌ و دژى ڤێ چه‌ندێ نه،ژبه‌ركو ئاريشا ئێزديان نه‌ لگه‌ل جى يه‌،به‌لكو ژ هزرا توندره‌وه‌ ل نك پتريا خه‌لكێ ل گوندێن ئه‌ره‌بان يێن ل ده‌وروبه‌رێن ده‌ڤه‌را شنگالێ يه‌".