سه‌رۆك بارزانی: عه‌فرین به‌رده‌وامییا سته‌ما دژی گه‌لێ كوردستانێ یه
WAAR-دهۆك:
سه‌رۆك مه‌سعوود بارزانی راگه‌هاند؛ عه‌فرین به‌رده‌وامییا وێ سته‌م و كاره‌ساتێ یه، یا ده‌رحه‌ق گه‌لێ كوردستانێ هاتییه كرن.
ئه‌ڤرۆ ل باره‌گه‌هێ بارزانی، سه‌رۆك مه‌سعوود بارزانی پێشوازی ل شانده‌كا جڤاتا مه‌ده‌نی یا رزگاركرنا عه‌فرینێ كر و گۆتوبێژا ره‌وشا عه‌فرینێ و ئاواره و خه‌لكێ وی باژاری و گه‌فا ل سه‌ر گهۆرینا دیموگرافیا وی باژاری كر.
ل گۆره‌یی مالپه‌رێ سه‌رۆك بارزانی، شاندا عه‌فرینێ پیرۆزباهییا ب دوماهی هاتنا هه‌لبژارتنێن هه‌رێمێ و سه‌ركه‌فتنا لیستا پارتی دیموكراتی كوردستان ل سه‌رۆك بارزانی كر و راگه‌هاند؛ ئه‌و ب سه‌ركه‌فتنا پارتی سه‌ربلندن و ئه‌ڤ سه‌ركه‌فتنه جهێ ئومێدا هه‌ر كورده‌كی یه.
سه‌رۆك بارزانی ژی، دلگرانییا خوه ژ پاشه‌رۆژا رۆژئاڤایێ كوردستانێ و ره‌وشا نها یا عه‌فرینێ نیشاندا و گۆت: ئه‌وا ل عه‌فرینێ هاتییه كرن، به‌رده‌وامییا وێ سته‌م و كاره‌ساتێ یه، یا ده‌رحه‌ق گه‌لێ كوردستانێ هاتییه كرن.
تعليقات